ابغى اتعلم فن الصمت تكفون قولوا كيف ؟؟ أمي وزوجي واهلي وعيالي صاروا يطفشون من ثرثرتي

السلام عليكم ورحمة الله وبركاته

انا وبصراحة من النوع الي اتكلم بكل شي ومواضيعي جدا سخيفة
وتافهة لابعد حد حاولت اغير من طبعي وطريقة سواليفي لكن
بدون فايدة تذكر :08: ..
انا حساسة جدا وازعل على اتفه شي اقسم بالله مع اني مو صغيرة وام عيال
الا اني احس باني ما اعرف اتصرف ولا اعرف اوجه عيالي وعيالي يرفعون صوتهم علي
وازعل عليهم لكن سرعان مارضى وهذا عيبي .. ما ادري احس شخصيتي مهزوزة
قدامهم وزوجي دائما يعايرني ويسخر مني ويستهزا فيني ولما اخذ حقي ما اسكت
بس اثرثر وزوجي يطفش مني ومن ثرثرتي وكل مرة اقول خلاص باتعلم الصمت وانه
ما ارد عليه او اتكلم الا انه الاقي نفسي اشد من اول وحتى لما اسولف معه او مع
أمي او مع اختي او عيالي او مع الناس حتى بسرررررررعة يطفشون من طريقة كلامي
لان مواضيعي جدا غبية وغير متناسقة وحتى تعبيري بالكلام مش ولابد والله على ما اقووول شهييييد
حاولت اتعلم من غيري الفن بالكلام وطريقة سرد المواضيع او القصص لكن بدون فايدة
والله بداخلي اتقطع من الغيرة لما اشوفهم يتكلمون ويسولفون وانا كلمتين على بعض ما اقدر
اقوووولها دائما الخبط بالكلام والله ما اعرف اتكلم حتى لو كان مع امي اواختي بسررررعة يزهقون
من كلامي ومايصدقووون اني انتهي من سواليفي المتلخبطة والي مالها معنى ..
انا بعكس اختي هي ماشاءالله عليها ربي يحفظها يارب بالعشرينات من عمرها وبسم الله عليها
طريقة سواليفها ممتعة وجذابة وكأنها بالثلاثين من عمرها ماشاءالله تبارك الله
وانا ام العيال كاني طفلة صغيرة اثرثر بالكلام ومااعرف انسقه ..
تكفوووون قولوا لي وش افضل شي اسويه لأنه مافي امل والامل بالله مااعتقد اني راح اقدر
اتعلم طريقة فن الحوار وادارة المواضيع المهمة او الي لها معنى ..
تتوقعون الصمت افضل ؟؟ وياليت تعلموني كيف اصمت عشان الاقي الكل يحترمني ويعزني ويقدرني
لان الاغلبية مايحترموني مو بس عشان ثرثرتي ولخبطتي بالكلام انما عشان حساسيتي
وزعلي الزايد عن حده وطريقة ردة فعلي المبالغ بها كرهتهم فيني !!!!
ياليت بحل ياااااليييييييييت :08: