وعليكم السلام و رحمة الله و بركاته

لاحظت بكلامك بالبداية تنتقدين الناس اللي توسوس بالعين و السحر ، لدرجة وصفتي الوضع ( بأن انتشار الوسواس بين الناس قرفني بشكل مقزز ) !
ثم بعدها بأربع أسطر فقط تصفين نفسك بأنك نفس الناس ( اتوهم ان عندي عين و حسد و سحر ) !!!

المهم بإنتشار الأمور السلبية أو المنكرات أو أي شيء قوي عودي نفسك ترددين :
الحمد لله الذي عافاني مما ابتلاهم به ، و فضلني على كثير ممن خلق تفضيلًا

و ردديه بحضور قلب و عقل ؛
لأنك هنا تحمدين ربي على فضله و نعمته عليك لما يمنع عنك سوء منتشر أو منكر ظاهر .. فيزيد القلب يقين بمنّة الله و فضله عليك♥️

و الأمر الثاني ، حتى ما تُبتلين حبيبتي ، مثل ما حصل معك … لما ننظر بإزدراء للمبتلين و احتقار بأننا أفضل منهم ربي يبتلينا حتى نتأدب معه سبحانه و مع خلقه..

طيب نرجع لوضعك الآن ؛
شوفي أي شيء تتعرضي له بإستمرار بيترك أثر فيك ،
الكلام اللي تقرأيه
الكلام اللي تسمعيه يتردد
المقاطع و المواقف اللي تشوفيها قدامك
كلها تأثر عليك …. طبيعي
لذلك حتى تخففين من تأثير ( فكرة العين و الحسد و السحر ) ببساطة تابعي و جالسي ناس يتكلمون بأمور غير هذه ..
يعني لو مثلًا تابعتي برنامج عن شرح كتاب رياض الصالحين و الفوائد اللي فيه …… مستحيل بيكون التأثير سلبي عليك
لو جالستي إنسانة كلامها حلو و فكرها إيجابي بتتأثرين ،
لو قرأتي كتاب عن موضوع يهمك و ينعشك ما بتلاقي فيه طاري العين و الحسد

اللي بأوصل له اختاري يالغالية اللي تتابعينهم و تقرأين لهم بعناااية
اللي يضيف لك و ينفعك بدينك و دنياك اعطيهم من وقتك
و اللي بيترك أثر سلبي عليك اتركي متابعته

و بالنسبة للوالدة الله يحفظها و قرابتك لما يتكلمون عن هالموضوع لا تعارضينهم ( لأن ما تدرين قد يكون كلامهم صح أو قد يكون مجرد ظن )
لكن هنا دورك أنه تقولين لهم صحيح العين حق لذلك مهم نهتم بالتحصين و تتكلمين معهم عن حفظ الله لنا و كيفية التحصين و اليقين بهذا الأمر.
و بعدها تغيري الموضوع لأي شيء مرتبط عن حفظ الله و قصص …. بدل ما يكون تركيز الكلام عن الحسد.

و يارب يحفظك و يشرح صدرك

وعليكم السلام ورحمة الله وبركاته
غريبة
انتي تقولين الناس صار عندهم وسواس العين والسحر والحسد
انزين انتي قاعدة تقولين انك صرتي تتوهمين ان عندك عين او سحر او حسد اذا عورتك بطنك
تلومين الناس
لومي نفسك بالاول
وانتي بنفسك قلتي الحل
ان كلها اوهام وعلى اتفه شي مثل التهاب الحلق قالوا عين او سحر
انتي لعبو بعقلك مثلهم

اسألوا الله العافيه. ياما ناس تعطلت حياتهم بالعين والسحر والحسد. وكم من جسد مرض من العين والحسد. طالما ماوصلكم بلائهم فاحمدوا الله وادعولهم بالعافيه. واذا تبغين تقوين ايمانك وايمانهم قولي عليكم بالرقيه الشريعه. صباح ومساء بعد الاذكار. والقران شفاء لما في الصدور. يعني بدل ماتانبينهم وتتقرفين منهم وانت ماتدري وش معاناتهم ادعي لهم وذكريهم بالرقيه.