كن كن ++ @kn_kn

عضوة فعالة

ابغى اخطب لودي بنت صغيره عشان تجيب له ذريه أكثر ...

السلام عليكم ورحمة الله وبركاته

حال المجتمع

:{ من جهه

انا ابغى وحده متخرجه

لايا وليدي بنزوجك صغيره تجيب لك عيال اكثر !!

:{ من جهه أخرى

جاك خطيب اليوم

يمه ماابي ابي أدرس وبعدين أحس اني لسى صغيره

اي صغيره شوفي قريباتك كلهم تزوجوا بهالسن وترى يمكن مايجيك غيره وتتندمين

ومن هنا رضى الولد بأم18 ورضت البنت خوفا من العنوسه والتفريط بمواصفات الزوج الرائعه

لكن

البنت ماحملت لأنها بتكمل الجامعه والولد تعب معها ومع دراستها ومع عقليتها الي فعلا لسى على تحمل المسؤوليات

ولاجابت عيال أكثر يا أم فلان مثل مابغيتي

وأنا ما أعمم فالبعض ماشاء الله تقدر تتحمل دراسه وانجاب ولد واكثر وتربيتهم طول فترة دراستها

إذا الولد (الزوج) نفسه طلب سن معينه فهذا من حقه

عالأقل ياأم فلان دوري غيرها .. أما إني بزوج ولدي صغيره تجيب له عيال أكثر فهذا غير منطقي

كثرة أو قلة الأولاد شئ راجع للبنت نفسها مو للعمر

فمثلا بعض الأمهات لديها المقدره على الإنجاب كل سنه والأخرى كل سنتين

والبعض كل 3 سنوات أو أربع سنوات

والبعض تتعرض للإجهاض الكثير خلال سنين حياتها ..

هذا من جانب ومن جانب آخر
تقف بعض النساء عن الانجاب في سن 50 والبعض 45 والبعض 40 وأقل من ذلك وأكثر

وماسبق لايشمل فارق العمر الكبير

نرى في مجتمعنا الكثير من النساء الي تبحث لولدها عن الأصغر سنا حتى وإن لم تكن جميلة فيكفي أنها صغيره !!!

والأخرى تقول :أخاف تكبر وتصير عجوز وولدي لسى في شبابه .. ياماما هذاك أول اللحين الرجل يكبر ويضعف مثل المرأه وقبلها .. بل أني أعرف الكثير من النساء مازالت في شبابها وزوجها بدأ يهرم مبكرا لسبب او لاخر

وحتى لو فرضنا كلامك صح فبالعكس هذا بيكون من صالح الرجل اذا كبرت وضعفت المرأه قبله وهو مازال في شبابه

فبإستطاعنه الزواج من أخرى

وبهالطريقة يأم فلان ولدك بيجيب عيال كثيييير

ومو معنى هالكلام اني لاأييد زواج البنت الصغيره بالعكس ولكن حبيت أوضح ماقمت بتوضيحه

يلزم عليك تسجيل الدخول أولًا لكتابة تعليق.

تسجيل دخول

فراوله الدنيا • 15 سنة

جزاك الله الف خير

سيرة حب 2009 • 15 سنة

جزاك الله الف خير

رغدهـ • 15 سنة

مو شرط الصغيره تجيب ذريه أكثر بنت اختي تزوجت ع 19 ولها 3 سنوات متزوجه الحين بدون اطفال ..ومن مسشفى المستشفى تعالج ..
وانا متزوجه 21 نفس الشي لي سنه و ونص ماخليت دكتورهـ مارحتلها وماحملت :)
وخالتي تزوجت وعمرها 29 وماشاءالله من اول شهرين زواج حملت ..
مايقول هاالكلام الى ناس جاهلين ولو تزوج الحرمه وعمرها 40 بتجيب 10 اطفال مدامها ماوصلت السن اليأس ..
وجزاك الله الف خير ياصاحبة الموضوع ..

أجـდـّل إِحـωـآس • 15 سنة

انا عن نفسي استغرب من هالعقليات الي كذا ازوج ولدي صغيره عشان تجيب عيال كثير يعني ام 25 و26 ماتجيب عيال؟؟؟؟؟ وبعدين العبره مو بكثرتهم المهم تربيتهم كيف والا ياما شفنا ناس عندهم 9 و10 عيال ولاواحد نافع وناس عندهم 3 بس لكن قضو عمرهم يربونهم احسن تربيه وطلعو احسن ناس

كن كن ++ • 15 سنة

وياكم ان شاء الله

صادقه يارغده
جزاك الله خير

وحتى من ناحية الشكل في كثير بعمر ال35 سنه ووجهها أصغر من عمرها

وفيه بنات بعمر 25 سنه والي يشوفها يحسبها 38 سنه