ابغى اروووووووووووووح لبيت اهلي

بسم الله الرحمن الرحيم
اخواتي بنات حواء
قررت اني اروح لبيت اهلي
ارتاح كم يوم من التعب اللي انا فيه
والله التعب يهون لو في احد يقدر
اما انه يشوفني زي الالة لازم ما اتعب وما امرض ولا يشوف اني بسوي شي
هذا اللي محطمني
اليوم ما ابغى اطالع في وجهه
ماتصدقو امس الليل كنت تعباااااااااااااااااااااااااانة قد ايش
كان معايا هبوط ودايخة لدرجة اني مو قادرة اسند طولي
وبنتي الله يهديها تحبي
وعارفين هذا السن كيف متعب 11شهر
المهم اني قلتله دايخة اجلس معاها شوية
قللي دايخة يعني اش اسويلك!!!!
وحطاها جنبي وسك الباب وراح ينام!!!!
وهيه تحبي ولقت منديل وصارت تاكله
والله اني مو قادرة اتحرك اناديها وابكي من حرقتي
وبعدين اتزحفت لباب المطبخ وصبيت لي كاسة موية ولحست شوية ملح
بعدها فقت شوية
كنت في اسوا حالاتي النفسية
لما يكون بروده وجفافه ولا مبالاته لهذي الدرجة مو يحتاج لشي يوقفه عند حده؟؟؟؟
وانا حامل وفي التامن,ماعمره من يوم حملت قللي انا اساعدك ولا حتى لا تتعبي نفسك
كل كلامه يا اوامر او صراخ
انا تعبانة ومهو حاس فيه ولا حيحس
في الصباح لما صحي على الفجر قلتله انا زعلانة منك كنت امس مرة تعبانة
وانت ما اهتميت تركت البنت عندي ورحت تنام!!
تخيلو الرد
ااااااه
قال بصراخ:تعبانة!!!وليش تعبانة
اللي يسمعك يقول جلستي تجري امس طول الليل
ولا تركتك جيعانة وما اكلتك
منت متعشية امس وماكلة الين ما شبعتي
وليش تتعبي!!!!!!!!!!!!!!!!
(حكاية العشا لاني جلست اترجاه يجيب عشا من برة..واخرتها يمن عليه انه مو\مجوعني)
قلتله اني حامل والحامل تتعب وكان معايا هبوط
وكانت بنتنا بتاكل المنديل ومو قادرة اجيبها ولا امسكها
قللي خليها تاكل اش فيها(وهو اللي دايما يخاصمني اذا لقى معاها فتفوتة)
المهم قلتله ليش طيب تصرخ دحين
قللي ايوة اصرخ تعبانة وتعبانة اش اسويلك انا كمان.
.
.
.
.
احس اني من كثر ما اسكتله واقوله طيب على كل شي صار ما يهمه أي شي
وعادي لو اموت المهم هو
عشان كده قلت ابغى اروح عند اهلي كم يوم اريح
بكرة السبت لما اروح الجامعة ارجع على بيت اهلي وارسله رسالة اني تعبانة وابغى ارتاح كم يوم عند امي
رغم اني ما ادري كيف حتكون ردة فعله
لانه انسان عصبي واناني ما يهمه احد قد نفسه
لكن احس اني فعلا تعبانة
والله تعبانة
اليوم من صحيت وانا ساكتة ما اكلمه الا لما يسال
سويت كل شغلي وانا سااااااااااكتة
لكن لا حياة لمن تنادي
عادي هو يضحك ويلعب مع بنتي
عادي كانه مافي شي
اش رايكم
اسوي هذي الخطوة يمكن وقتها يفوق ويحس بقيمتي
انتظركم
والله محتاجة ارائكم
الله يسعدكم انا ثقتي فيكم كبيرة
انتظركم على احر من الجمر
والين بكرة السبت لازم اقرر
موطايقته والله