ابغى استاجر لي بيت

السلام وعليكم ورحمة الله وبركاته

خواتي في الله
ما سجلت في منتدداكم الا بعد ما اكلت قلبي الحيرة وانا م اثق ب احد ابدا ابدا ابدا
..
ابغى استشيركم في موضوع انا زوجة مهجوره والان اريد ان استقيل مع اطفالي فتحت مشروع طبخ ونجحت وابغى استاجر لي شقه
لكن للاسف خبرتي صفر
والاجار اللي اقدر ادفعه ٩٠٠ او الف بالكثير ايش الخطوات اللي لازم اسويها قبل استاجر

وهل الاجار يدفع مقدم ولا بعد ثلاثين يوم والعقد لازم رجل ولا لا

والبرد على الابواب وانا من اهل الشمال وما اعرف كيف اتصرف استاجر شقه الفتره هذي او ااجلها شوي علمن اني عايشه من سنين عند اخوي لكن في مشاكل مع زوجته وابغى اطلع من بيتهم احس اني انا السبب في اللي جالس يصير

واخوي مستحيل يسمح لي استاجر لذالك قررت اني ارتب امور واحطه امام الامر الواقع