ابغى استشارتكم

السلام عليكم ورحمة الله
اولاً صباح الخير للجميع اخوه و اخوات
ثانياً حابه اقولكم موضوعي واتمنى احد عنده فكره او حل ينهي مشكلتي


انا فتاه سعوديه قبيليه عمري ٣٠ سنه
احب انسان من ٩ سنوات غير سعودي ( عربي و من مواليد السعوديه ) ولا عمرو سافر بلدو و تربى نفس تربيتي وعايش بنفس مدينتي وعاداتهم وتقاليدهم نفسنا بالزبط
ابويا الله يرحمه كان رافضه من اول مره خطبني من ٩ سنوات لسبب غير مقنع ( مو سعودي واخاف ياخذك بلدو ) توفت امي الله يرحمها وبنفس السنه توفى ابويا الله يرحمه وانا عايشه مع اخواني اخواتي اللي اكبر مني كلهم تزوجو وانا اصغر البنات كل ما يجي عريس ارفضه لان بقلبي انسان واتمناه


اخويا الكبير متزوج ( عن حب ) وعندو طفل وبرضو رااافض زواجي من الانسان اللي اتمناه مع العلم ان كل اخواتي واخواني الثانيين ماعندهم مانع ابدا
بس اخويا الكبير اللي رافض كل ما ينفتح الموضوع يقول ( شخص رفضه ابويا بحياته انا ما اوافق عليه بمماته )


ابغا حل لمشكلتي فكرت اروح المحكمه بس اترددت انا احب اخواني ويحبوني ويحترموني بس مايقدرو اختياري انا كل ما يجيني عريس ارفض بدون تفكير لان بقلبي انسان
وخايفه يروح عمري واخويا لسا رافض ..!
من حقي اتزوج واستقر واعيش الحياه من حقي اكون ام من حقي اعيش حياتي بما ان الشخص مسلم وعربي من حقي اختار اللي بكمل حياتي معاه من حقي اقول ايوا او لا
ايش تنصحوني ايش اسوي معاه ؟
رافض يتفاهم بالموضوع مع انو مو متشدد ولا متعصب بس سار الموضوع زي العناد ..
ششوركم ي جماعه الخير !!