السلام عليكم عليفكم يابنات
دحين انقولكم قصة صديقتي على لسانها
وتبغى نصيحه
انا متزوجه من 8 سنوات اخدت زوجي عن حب وهو قريبي
عندي منه طفلين والان حامل بالتالت زوجي انسان مادري من اي صنف اصنفه
يقول انه يحبني وطبعا هو يسب مايحترمني ولايقدرني حتى قدام اهله واهلي يسبني
انا ساكنه بمنطقه بعيده وفي نفس الوقت قريبه يعني مشوار 3 ساعات بالسياره عن اهلي ومايخليني انزلهم يقول لازم منتي مكلفه فيهم ولازم تقطعين علاقتك معاهم وادا نزلني بالقوه يحسسني اني مسويه منكر او شي غلط وحتى ادا خرجو اهلي او فيه طلعه او تمشيه مايرضى اروح معاهم يقول خليك بالبيت
دايم اسمع منه غبيه هبله مجنونه ماتعرفي تسوي شي بحياتك
لمن اتكلم معاه يقول انتي فاضيه او اسكتي ويطنشني يعني اجلس معاه بالغرفه بس اكون بعيد عنه وساكته
عنده جفاف عاطفي طبعا بتقولو اغلب الرجال كده لا كلام ولا شي حلو ولا بالغلط حتى
وادا يبغى شي من غير مقدمات على طول كده
وكلمته اكتر من مره على الشي هدا يسويه مره ويتركه عشره
زوجي شاب متعلم عندو وظيفه يعني مقتدر
طبعا الطلعات والتمشيات بالقوه ولازم اخد كم سبه وكم كلمه ادا طلعت معاه وبنفس الوقت مااتكلم وحتى قدام اطفالي يتكلم عليا لدرجة بنتي الكبيره 6 سنوات لمن اقولها شي تقول انتي مالك شغل خليك في حالك او اقول لبابا يجي يخاصمك
من اربع سنوات تقريبا
صار ياخد كل سنه اجازه ويسافر فيها بره مع اصحابه طبعا انه سياحه
المره قبل الاخيره لقيت صور لاصحبه مع بنات وكلمته وحلف انه هو ماله علاقه ولايحب الحركات هدي وانه هو رايح يتمشي وبس
السفره الاخيره كانت قبل كم شهر
لقيت في جواله مقطع ومحادثات لبنت اتعرف عليها في السفر وصور معاه لها
اخدت الصور والمحادتات عندي
وكلمته بعدها بكم يوم وصارحته باللي في قلبي
قلت له انو انا تعبت ومااقدر اتحمل العيشه ه دي وماني مرتاحه واللي ابغاه ماحصلته معاك وماابي اغلط وادور على الشي اللي ناقصني بره انا كنت ابي زوج حبيب وصديق ابغى واحد اتكلم معاه اشكيلو اضحك العب
اعيس حياه حلوه معاها وانا عارفه انه الحياه ماتخلى من المشاكل بس مو زي كده
واحنا طول عمرنا بمشاكل قلت ايش المسكله اللي صادره مني يقول انتي ماتسمعي الكلام
وماتجهزلي الغدا بدري يعني ارجع من العمل استنى نص ساع على مايجهز
قلت له انا بسويلك الغدا في البيت اتحمد ربك اغلب الناس تجيب غداها من المطاعم وانا اعملك كل شغل البيت
وغيركده انا موظفه واجي من العمل مهلوكه واسوي كل شي من غير مااشتكي
وفتحت سيره السفروقلتله انت تسافر مااصحابك وانا ماتسافرني وماتهتم لامري وكل ماقلتلك مليت او ابغى اسافر تقول ماتنفعلك بلاد بره مكانك هنا او ادا بتسافري اوديكي دبي يوميني انتي واطفالك وارجعكم قلتله ادا سافرت مع اصحابك ايش تسوي
رد انه يسافر سياحه وسالته وعندكم علاقات مع بنات قال لا مستحيل احنا مانسوي دا الشي ولو نبي نسويه نسويه هنا مو اسافر بره علشان البنات قلته اكيد قال انا احبك وامووت فيك ومستحيل اخونك وحلف يمين انه ماجلس او اتكلم مع اي بنت
انا اللي الان ماصارحته بالصور والمقطع اللي عندي علموني ايش اسوي معاه احس اني تعبت ونفسيتي تعبت
علموني ايش اعمل هل اصارحه بالصوراو لا وكيف الطريقة لاني صرت مااضمنه خايفه احس انه مايبغاني مجرد اني اكون في البيت اخدم اولاده فقط لاني قالته ادا ماتبغاني ودني بيت اهلي وارتاح ويقول والاطفال في اوديهم هم اهم شي وفريهم شي مريح واسويلك اللي تبغيه
اعذروني كلامي مومرتب بس ماني عارفه اللي الان مقهوره
على فكره دحين مخطط للسفر بعد رمضان
يلزم عليك تسجيل الدخول أولًا لكتابة تعليق.
استغفر الله
مايبي يطلقها علشان الاطفال طلبت منه الطلاق بس يقولها مستحيل اخليك هنا خدامه واذلك
وبعدين يرجع يتاسف ويقولها معلليش
مايبي يطلقها علشان الاطفال طلبت منه الطلاق بس يقولها مستحيل اخليك هنا خدامه واذلك
وبعدين يرجع يتاسف ويقولها معلليش
معليش بس هيا كانت عندي في البيت ومو مشتركه في المنتدى
وطلبت راي ونصيحه ومااظن فيها شي او عيب او حرام
وطلبت راي ونصيحه ومااظن فيها شي او عيب او حرام
الصفحة الأخيرة
يانه ينعدل او كل واحد يشوف نصيبة
لازم تورية العين الحمرا:angry2:
لانه يتمادى ومهما كلمتة مافي نتيجة
والاشياء الي يسب عليها ويزعل مش في محلها
يعني يسافر وينبسط ويمنعها من زياره اهلها
خير ان شالله