كوبونات الراقية تسجيل الدخول

العملة النادرة

ابغى استشيركم فيه واحد متقدم لي

الأسرة والمجتمع •

السلام عليكم ورحمة الله وبركاته
صباح الخير ياحلوات
مبروك عليكم العشر
اسأل الله ان ينفعنا واياكم بها ويجعلنامن من يستغل المواسم المباركة ويجعلنامن الفائزين
بدون مقدمات
ودي استشيركم بموضوع انا لي اربع سنوات متخرجة من الجامعة والوالدمتوفي الله يرحمة ويجمعنا واياه بجنات النعيم :44: وتقدم لي ناس هاليومين والوالدة طبعا ماقالتلي اختي الي علمتني لان اخواني من طبعهم انهم يشوفون الرجال واذا عجبهم يعلموني ويستشيروني فيه المهم الناس هذولي من طبعهم انهم شديدين على حريم عيالهم ومايحبونها تاخذ راحتها وكل شي عندهم انه اهم شي الحرمة ماتلعب على ولدهم هذا طبع العائلة غالبا
والرجال مستقيم يعني موب راعي دخان وامه ملتزمة
بس فيه عيبين الاول ان الرجال اسمرمره والثاني ان ابوه متوفي وهو وحيد امه وعنده اختين ويبغاني اسكن مع اهله وزي ماقلتلكم عن طبع عائلتهم في البداية ومعروفين انهم حارين ومايجاملون
وانا مترددة بين اني اعيش براحة في بيت اهلي وخايفة لان العمر يمشي واليتم والله شين:44:
ونادرا هالايام تلقين رجال مايدخن
واختي الصغيرة صارت على وجه زواج اخاف تتزوج قبلي واخاف اوقف بطريقها:(
وش رايكم تكفون والله اني احترت:icon33:
وانا ملتزمه وودي بواحد ملتزم او مستقيم على الاقل بس زي مانتب عارفين الرجال وشروطهم وبعض الاحيان تصير من الحريم يعني لازم احد من الطرفين يتشرط ويسوي زحمه وحنا يالبنات الي رايحين فيها:icon33:
احس بضيقة مايعلم بها الا الله
تكفون شيرو علي:(
40
3K

يلزم عليك تسجيل الدخول أولًا لكتابة تعليق.

تسجيل دخول

مازلت انتظره
مازلت انتظره •
استخيري اختي اولا
ثاني الوحدة باخلاقها وتعاملها تكسب اهل زوجها
الله يفرج همك
غيغي
غيغي •
حبيبتي استخيري
والله اذا ربي كاتبه لك وكاتك له راح تاخذييييييينه
انتي لاتقلقي ..خلي الامر بيد الله
وفكري واستشيري
والله يوفقك
أم باسم وخالة دانة
أم باسم وخالة دانة •
استخيري والله يكتب لك الي فيه الخير
ريومه ام جنى
ريومه ام جنى •
استخيري ياقلبي

واناا اخوي وحيدنا (وهو ابونا تقدرين تقولين )وحرمته تسوى عيوننا

وامي ماتسميها الا يا بنتي وتعطيه اشياء حنا بناته ما تعطينا والا نصهم

وانتي با اخلاقك تقدرين تكسبين الا قدامك

ويقول المثل الكلام اللين يغلب الحق البين
m-ghost
m-ghost •
استخيري والله يكتب لك الي فيه الخير