مرحبا زعفوره..
عطينا معلومات اكثر عن فلاش ليت وهل هو احسن من الليزر.
وما هو الفخار وكيف استخدامه.

هلا زعفوره
ياريت تعطينا معلومات اكثر عن وين ممكن ننحصل اليلو بالضبط، وعن أسعار الفلاش ليت
وراح تكونين خدميتنا خدمة العمر .جعله الله في ميزان حسناتك

مرحبا بنات ..


أنا استخدمت flash light- ELLIPSE ..

و جربت طريقتين :

الطريقه الأولى ما سويت غير جلسه وحده و لا افكر ارجع بعد ..

النتيجه :

مؤلم لدرجة أني حسيت بروحي بتطلع ..:06: و على كل فلاش أفز من مكاني و أقعد أترقب الفلاش الثاني من الخوف ..

وجهي صار أحمرررر و مبقع بس راح عقب ما استخدمت الكريم بمصاحبة الألم ..

الشعر قصته قبل لا تبدأ بالجلسه بمقص فكان مثل النقوط السودا و طلع عادي ..

هي إللي تحدد موعد كل جلسه يعني تقريبا في الشهر 3 أو 4 مرات ..

مش غالي و سعره معقول مقارنة بالليزر ..



الطريقه الثانيه سويت جلستين بس و قطعته ..

النتيجه :

مش مؤلم أبدا ..:02:

ما ترك أي أثر عقب الجلسه ..

الشعر ما قصته بس لقطته بالملقط من بعد الجلسه على طول ..

بالجلسه الأولى ما طلع الشعر إلا عقب شهر و نص تقريبا ..

بالجلسه الثانيه طلع الشعر بعد أسبوع و بشكله الدايم ..

ما تحدد موعد للجلسه ..

سعره غالي بالنسبه للمره الأولى و أرخص بالنسبه لليزر يعني فرق 200 درهم ..




و السموحه منكن خواتي ..

السلام عليكن..

حبيباتى العزيزات...........

الليزر او الفلاش ليت.. تاثيره و نتيجته تختلف من شخص لاخر
حسب كثافه الشعر اوعمل الهرمونات
لازم الوحده تفحص ان كان الامر لاختلال هرمونى..الحل بالعلاج عند الدكتور
اما الباقى يعتبر تجميلى
اذا
انا ما اسوى دعايا(حشا والله) حق الفلاش او غيره
هذه بس نتيجه تجاربى الخاصه..عشان ما تدعون على اذا جربتم بس ما نفع
عشان ابرى الذمه......

والنتيجه.....تقل كثافه الشعر و لكن لا يختفى للابد...اوكيه:30:

بالنسبه للفلاش ليت..يعور وايد (واضح)
المفرض استخدام جهاز تبريد مثل اللى مع الليزر..يمكن باقى المراكز فيها

لا تستخدمونه للوجه بالذات لو فى حشو لاسنان ترى بعد يألم ..واحسن الليزر للوجه(وجه نظرى الشخصيه)و للجسم الفلاش(ارخص)

اى مركز لشيل الشعر او عياده اسأليهم شو يستخدمون فلاش او ليزر..
بتحصلين الاجابه
المراكز مكوده فى ابوظبى-الشارجه-دبى
(حتى فى لبنان-:time: برنامج صباحو يطلعون الحرمه مالت الجلديه و الغذاء اللبنانيه ما ادرى شو اسمها؟؟بعد تسوى بالافلاش وكان فى حلقه تتكلم عنه اسالوها)

المركز اللى سويت عنده فى غيره وايد و احسن عنه
أسالو احسن شى المتخصص شو احسن لكم الليزر او الفلاش او اخر
(بعد فىشى ثانى بس نسيت اسمه..)

الليلو..اقول مره ثانيه يخفف الشعر بس ما يختفى للابد
عليكم بحريم الشارجه -عيمان-راس الخيمه
عندهم..يعطونكم اياه بلاش و فى حريم يبيعنه

اللى عندى من اكثر من 8 سنوات..اجل ما يخترب
عموما الطريقه قديمه و الحين بدت تندثر

الحين اسمع البنات يقولون(نبات السعد-قشر الفاصوليا) فى منتدى حواء
يمنع ظهور الشعر بتاتا-راجعوا موضوعهن
عن نبات السعد
http://forum.hawaaworld.com/showthread.php?threadid=155053
عن قشر الفاصوليا
http://forum.hawaaworld.com/showthread.php?threadid=154415

وسلامتكم

زعفوره ..

مشكووووورة ويزاج الله خير اختي على هالمعلومات الحلوة :)