جزاكم الله خير على الافكار

ام عبودي 100%

اختي وجد لاتتركي ولا تسمحي للهم والنكد يسيطرو على ابتسامتك

من فينا ماله هموم وكل منا يحسب همه بقدر الجبال

لكن اعملي زوم لحياتك لمده يوم - اسبوع - شهر - سنه - 10 سنين

واتخيلي اذا قضيتي الوقت تفكري بالمشكه ولا اذا قضيتي الوقت تتغلبي عليها؟؟؟

مافي شي في الدنيا يسوى لحظة زعل

انبسطي واضحكي والبسي وعيشي حياتك

كل لحظه تعدي علينا هيه لحظه واحده ماتتكرر واحنا مخيرين يانبتسم فيها ام نبكي

اختاري الابتسامه باغلب لحظات حياتك فهي لن تتكرر

الله يسعدك ويسعد قلبك ويسعد عيالك ويهدي زوجك ويهدي سركم

-------------------------

بالنسبه للحفلات انا عملتها من قبل لعيال اختي لكن لان ماعندي قوالب اشكال اطفال للكيك ومن الكسل اسوي شي

اخذت كيك سويتز في البقالات 2 بنص و4 بريال

يختلف الاحجام في ميني وفي كبير وو اختاري الي يناسب ولدك وميزانيتك ولاتنسي حساب اولاد الجيران

وحطي جنبها شبسات وشوكولاتات وعصيرات ----الخ

وزيني بكم بلونه حسب الموجود ... انا قد عملت لبنات اختي فكره البلونات

بعد ماانفخها ارسم عليها بالمعلم اشكال وجوه وبنت وعروسه وسبايدر لولد اختي ---الخ

واذا همه يشاركوكي الرسم يكون افضل لكن انتبهي يعدمو ملابسهم بمعلم ماينزل من الملابس

واعلقها والصقها في الجدر واربط اسفلها شريطه ملفلفه

او ممكن تلصقي البلونه بمصاصه الشرب او عود الاسكريم الملون وتلصقيها بشطرطون شفاف ويمسكوها بيدهم

يفرحو مره بهذي الحركات كل واحد يروح بيته ببلونه يحطها عند راسه وهو نايم لانه بيشوفها شي جديد

وممكن تضيفي عليها مثل ماقالو الاخوات القليتر والصور من المجلات او طوابع اللصق ----الخ

لان هالفكره هي الاسهل من بينهم

--------------------------

الطرابيش تقدري تشتريها قبل فتره اخذت لولد اختي بحفلته تقريبا 6 طرابيش بـ2ريال

واذا ماقدرتي تطلعي تشتريها او مالقيتي ممكن تسويها بورق الاي فور حق الطابعه

لفي الورقه ودبسيها او لصقيها بغرا او للصق عشان لايشد شعرهم الدبوس

ولصقي عليها الي عندك ولونيها ----الخ

اذا شفتيها خفيفه اعمليها سميكه بورقتين او3

وممكن نفي الورق تعملي منه اكواز للفشار بنفس الطريق او اصغر

زي الي تكون بيوم السابع للطفل في الافلام المصريه

ماتتخيلي قد ايش يطيرو من الفرح لان ان شاء الله اسويها لعيال اختي المره هذي

---------------------

اعذروني الحين تعبت مره وانا اكتب مع لزكام ادعولي ربي يخفف عليا وان شاء الله لي عوده مع الصور

الله يسعدكم ويوفقكم ... كل عام وانتم بخير

new2004

الله يسعد قلبك الطيب ورزقك كل خير
افكاااااااارك مرره روووعه انا بدأت اطبق افكار ام عبوودي الله يسعدها
ورح اعمل بافكااارك الرااائعه
اتمنى المزيد من افكااااااارك

بالنسبة لي انا انسانه متفائلة رغم عمايل زوجي
والدليل شوفيني كاتبة خانة البلد قلب الغالي <<تفائلوا بالخير تجدوه

الله يسعدنا جميعا

الطرابيش مريت من جنبها اليووووووم ولااخذت
وقفت عندها افكر اشتري ولا لأ قلت سيبيها ايش يسكت اللي معااااي
لو قلت باخذ يصدع راسي بكلامه
الله يهديه بس




هذي افكااااار مدام شيرين ام ادهم الله
يعطيها العاااااااافيه ويحفظلها اوادها



انا حبيت افيدك بفكره صغيوره خااااالص لكن الاطفال بتحبها جداااااااااا


وبعملها لابنى فى العيد وبيفرح بيها جدااااااااا وهو عمره ماشاء الله 4 سنين و8 شهور


انى قبل العيد اقول له يلا نام عشان تصحى الصبح ونلعب لعبه العيد وينام وهو فرحااان ومنتظر تانى اليوم عشان يلعب

اجيب حلويات بكميات

واخبيها فى اماكن متفرقه بس تكون نوعا ما واضحه عشان يعرف يشوفها

يعنى اوزع منها جنب التلفزيون على الكنب على الترابيزه بس ماتكونش واضحه اوى مكانها فهمتينى؟

واول مايصحى ويغسل وشه اقول له يلا دور على الحلويات بتاعه العيد واللى تلاقيها خدها

طبعا هو بيلعب هو واخوه اللى عمره سنه و11 شهر وبينافسوا بعض ويفضل يجرى فى البيت كله يدور على الحلويات فى كل حته بصراحه لعبه جميله وبيفرحوا بيها جداااااااااااااا


وربنا يحفظلك ابنك يارب ويرزقك بره ياحبيتى




وااااااااااو يابنات روووووووووووعه رووعه
سويت البالونات وكتبت عليهم اشكالها رهيبه بعد ماتكتبي عليها


جبت شيفونات مخيطتها انا من زمان وحطيت فيها كل واحد 3 حلاوه رح اخبيها
زي ماقالت الاخت شيرين واخلي الاولاد يدوروا عليها في يوم الحفلة

وبعد شويه رح اسوي البالونات بطريقتnew2004

وام عبودي

ماشاء الله تبارك الله
شوقتوني أشوف أطفالي بسرعة
الله يجيبهم بصحه وسلامه

مشكورة أختي وجد عالموضوع المهم اللي فتحتيه واسأل الله أن يسخر لك زوجك ويفرحك في عيالك يا رب

ومشكورة يا أم عبودي والله ما قصرتي ما شاء الله عليك
والله يخلي لك عيالك ويفرحك فيهم

مرررررررررررة روعة تفاعلكم يا بنات الله يسعدكم ورهيبة فكرة قالب الخروف بس لو سويته لعيالي رح يقعدو يكلموه ما بياكلوه هههههههههههههههههههههههههههههه عندهم عبط زي امهم :42:

وجد كويس انك بديتي تجهزي من دحين وانتبهي لا تكون البلونات من النوع اللي ينسم بسرعة ويخرب تعبك :(
فكرة مدام شيرين تجنننننننننننننننن عجبتني مرة وفكرتني في لعبة قبل لا اتزوج كنت اسويها لاخواتي كل ربوع ودحين اسويها لعيالي بعد ما عبودي سار في المدرسة لانها تحتاج قراية او انتي تكوني معاه وتوضحيله وهي لعبة مررررررررررررررة حلوة انتي بنفسك تستمتعي فيها
تجيبي ورق وقصقصيه مربعات العدد حسب انتي وصبرك يعني وورقة كبييرة اوكي
تكوني جايبة لعبة
جيبي الورقة الاولى ارسمي عليها وجه عامل تعبير عادي ومبتسم زي كذا :27:واكتبي فيها اخوية تلقاه في كان بارد مرررررررررررررررررررررررررررررة وطبعا يقومو يحوسو مرات اكون مخبيا الورقة الثانية في المكيف ومرات في الثلاجة
لمن يلقو الورقة الثانية الوجه اللي فيها المفروض يكون برداااااااااان :08:تقريبا زي كذا ويقول اخوية تلقوه في مكان حااااااااااااار

ويكون الورقة الثالثة جوة الفرن والوجه حقها يكون تعبان وعليه نقطة عرق زي الدمعة في جبينه ويكون شكله زي هذا تقريبا بس بنقطة عرق خخخخخخخخخ:09:
ويقول الخريطة تبغا تعرف مكانها
هي نايمة
طبعا يجر يلاقوها على السرير
تكون هذي الورقة الكبيرة ارسمي فيها خريطة بسيطة للبيت خلي مكان كل غرفة مربع وجوته شي يدلل على الغرفة انا الصراحة كنت عاملة خريطة للبيت مرتبة ومزبطة لمن كنت العب اخواتي ومجلداها تجليد شفاف وبس بقلم السبورة احط علامة اكس على مكان الكنز اللي هو اللعبة وتكون مخباية جوة جرايدفي صندوق وفوقها اكسسواراتي المكسرة بدال ما ارميها اخليها لصندوق الكنز لانه زي ما قلتلك كل ربوع في كنز جديد وافكار الكنز ولا اسهل رح تضحكي عليا لو اقولك هي

مثلا اعطيكي مثال على واحد ن الكنوز اللي اختي محتفظة فيه الين دحين وهي كبيرة هههههههههه
كنت احكيهم كل يوم حكاية والبطل والبطلة اسمهم ياني و فاليري من عقلي طبعا واحب اختار اسماء غريبة لانه اكتشفت انه الاطفال يندمجو اندماج مو طبيعي لمن يكون بطل الحكاية اسمه مو مألوف
ورحت مرة رسمتلهم رسمتين لياني وفاليري بس طبعا بعد ما سارو يحبو شخصية الحكاية لانه كم جزء وانا كل يوم اقولهم وبكرة نكمل مع ياني وفاليري المهم لمن لقيو الكنز لقيو الرسمتين واحد ياني ووحدة فاليري بغو يطيرو من الفرحة وحدة اخدت الولد والتانية اخدت البنت وقاعدين يتأملو الرسمة ساعتين ويقولو يا الله شوفي ياني كيف شكله وهذيك تقول فاليري مرة حلوة والين دحين الصور عندهم بس خسارة الوانها سارت باهتة
الخلاصة انه انتي سوي هدية بسيطة مرة وجهزي ولدك نفسيا انه يحب الهدية هذي
يفوتك مرة كنت احكي اختي حكاية عن وحدة بنت شكلها وحش ومو حلوة عندها يد قصير ويد طويلة ومحد يحبها وهي مسكينة وتبكي واختي تقول اشرار حرام كذا هي مسكينة
وانا كل هذا عشاني خيطتلها عروسة وطلعت معوقة ههههههههههههههه وابغاها تتقبلها والله يوم الكنز داك اليوم لمن لقيتها قعدت تطالع فيها وهي ساكتة بعدين قلتلها هذي هي لولو الوحشة فرصعت عيونها وقالت لولو حبيبتي وحضنتها وقعدت العروسة المعوقة هذي سنين وهي عندها وماما تقولي حرام عليكي في هذي العروسة المرعبة اللي في يد اختك ليل ونهار وانا اضحك وبعد ما اتزوجت مرة زرتهم لقيت اختي تبكي قلتلها اشبك قالت لولو راسها بيطيح اخدتها ابغا ارقعها ما تترقع ههههههههههههههههه وقعدت عندها براس مدودل الين ماما رمتها لانه شكلها كان مرعب طبعا اختي الين اليوم تفتكرها بكل حب وحنان خخخخخخخخخخخخخ

خلاص جبتلك الصداع بس لا تعملي الافكار حقت البنات كلها مع بعض عشان لا يطمع يسير ما يعجبه اي شي
سويله كل بعد فترة حاجة وحدة عشان يسير يفرح فيها مرة