ابغى اصالحها ومش عارفه ساعدوني تكفووووون

بس ممكن نعرف سبب الزعل علشان نقدر نساعدك ياختي ..

راح اقوللك السبب وبكل صراحه
مره من المرات وانا اكلمها
جبنا موضوع وحده من صديقاتنا وقعدت احذرها منها وانها كذابه وانها فتانه
وفوجئت فيها بعد كذا انها نقلت الكلام لوحده ثانيه
والخبر انتشر عن طريقها
ولما واجهتها بالكلام وارسلت لها رسايل عتب
راحت وارسلت نفس الرسايل لنفس البنت اللي حذرتها منها

والحين وبعد مرور سنه على المشكله
رحت للبنت اللي تكلمت عنها
وصالحتها
والحين احاول اصالح صديقتي هذي وهي رافضه تماما
مع انها هي اللي غلطت علي لما نقلت الكلام
وماادري ايش الحل

عزيزتي يتيمه بس
من إللي قريته لاحظت أنها مب صديقه بمعنى الكلمه يعني نفس مانقول(((طينتها تعبانه)))<<<<اسمحيلي في التعبير
بس بصراحه هي ماتبغي صداقتج ونست عشره مدتها 9سنوات... ولى شو قصدها من الحركه أنها تنقل الكلام وأن البنت إللي تكلمتي عليها صالحتج أما هييييي فلا:mad: سبحان الله يمكن الله حطج في هذا الموقف لتعرفين منو إللي يبغي صداقتج وإللي مايباها؟؟؟؟
وأنتي مثل ماقلتي من سنه ماتكلمتي معاها ووقت مابغيتي تصالحينها صدتج......نصيحتي لج إذا رفضت أنها ترد صداقتها وياج ابتعدي عنها واشتري إللي يشترونج وبيعي إللي يبيعونج.....وحافظي على كرامتج ولاتكونين سالفه عند إللي يسوى وإللي مايسوى ولانعطينها مجال أنها تفتخر بأنج تبين تصالحينها وهي رافضه يمكن تتحجج أنها ماتحب حد يتكلم عن صديقاتها ولو كانت أقرب صديقه......
هذا رأيي
أختج
:41:

إسمحي لي البعد عنها اربح لك وش تبين فيها بيعوضك ربي بالاحسن منها
( قل من تخالل اقل لك من انت ) ويمكن خيره يوم انها ماتبي ترجع العلاقه بينكم لانه ممكن تأثر على اخلاقك

ياليت ماتحزنين عليها وعاااادي طنشيها ولا عاد تكلمينها وعزي نفسك والله معك

السلام عليكم ورحمة الله

أختي في هذا الزمن لم يعد هناك صداقة وأصبحت شيء بعييييييييييد عن الواقع
كلها مصالح او نفاق الا ماقل وندر ..

اذا اردتي ان تعرفي صديقتكي على حقيقتها اغضبيها فعند إذ يكشف القناع وتعرفين
الحقيقة فإن عدلت ورحمتك وعرفت مقدارك في وقت غضبها صادقيها ولا تفرطي فيها أبدا

ابتعدي عن هذه الصديقة ففي ماذكرتي المثل الواضح على انها ليست صديقة
وأنا متأكدة من أن الوحدة هي التي دفعتكي للشوق إليها
وأطلب من الله أن تنسيها وتفكري بكرامتك ونفسك
كوني صديقة أخواتك ، أمك ، بنات خالاتك ، بنات عماتك أو أي قريبة لك فهي أفضل من الغريب