ابغى اصبغ غرفة العاب بنتي شتنصحوني فيه

بنات هل صحيح اقدر اصبغ لحالي
يعني تكون موجوده ادوات الرسم مثل القطعه اللي فيها ورد منقوشه مخرمه
وانا اصبغ عليها ويكون متوفر مع كل قطعه الوانها

في مثل كذا ولا انا اتخيل؟؟؟؟؟؟؟؟؟؟؟؟؟؟؟؟

ياليت تردون علي

ولا شرايكم مااصبغ؟
اشتري لوحات بأشكال طفوليه واغلفها واعلقها على الجدار
مثل الروضات ؟

عطوني افكار الله يخليكم ويسخركم لازواجكم ويسخر ازواجكم لكم

هلا اختي أشواق بالنسبه لغرفة ألعاب بنتك

قوليب ايش لون الأرضيه بالضبط؟؟

عشان اقدر اقولك ايش تصبغين

الأن طالع موضه صباغ جدارين بلون وجدارين بلون

بس اول قولي لون الأرضيه والستاره

انا اخالف الاخ وباالعكس غرف الاطفال افضل تكون منفصله عن غرفه الالعاب حتى يدرك الطفل ان وقت النوم للنوم ووقت اللعب للعب حتى تتمكن الام من ضبط سلوك الطفل وتتمكن من تعليم الطفل النظام >>اتذكر في رمضان على mbc 4 جابوا عن طفل يرفض ينام في غرفته فناقشه الاخصائيه والديه عن غرفه نوم الطفل وعن كمية الالعاب اللي مكدسه فيها وكيف ينام والالعاب في كل مكان وبعدينخصصوا غرفه للالعاب وغرفه للنوم ...>>لب الموضوع انه الافضل غرفه النوم تكون هادئه ومخصصه فقط للنوم .......
شوفي ياعسل انا تخصصي تربيه فنيه والاستنسل >>اللي انا اعرفه انتي تختارينه وبعدين لانه على جدار ما انصحك تشترين علبه لان اللون راح يكون قليل وهانتي راح تستخدمينه على جدار يعني يبي منك كميه ...يعني اشتري الالوان اللي انتي تبينها مفرقه تجي عصارات وسط او كبيره على حجم الغرفه
انتي اشتري الاطار المتوسط>>التجليد فيه منه حركات مررره حلوه وحطيه في الوسط اللي تحت خليه مقلم مثلا لونين او ثلاثه الوان واللي فوق انتي عتقيه بالوان هاديه وطبعا مخففه من الالوان اللي تحت وابدئي اطبعي باالاستنسل ((ورود او نجوم او العاب ...لانها غرفه بنوته
ونصيحه اطبعي باالاسفنجه اوالمدق لانه من رائي الشخصي وتجربتي الفرشه تبين ضرباتها وما تعطي شكل حلو اما الاسفنجه والريشه تخليه كانه جاهز ولا تخافين ما راح تخربين جدار الرجال وانا متاكده انه بيطلع حلو واذا خلصتي حطي اللوحات اللي تقولين >>لا تنسين تحطين لنا الصور

عزيزتي
والله ما عندي خبرة كبيرة في الموضوع بس ما حبيت امر بدون ما اشارك
اتمنى من الجميع يساعدك وينصحك

الله يعطيكم العافيه على هالردود
سامحوني على التأخير بس كل مره ادخل ادور الموضوع وما احصله

شوفي حبيبتي انا ماابغى اسوي الجدار كله ابغى رسومات متفرقه على نفس لون الجدار الاصلي
لون الجدار اخضر فاتح والارضيه سيراميك بيج فاتح والخطوط عريضه شوي مابين البلاط

المهم ياليت تقولين لي هل الطريقه سهله لاني مااعرف شيء في الرسم بس في خاطري انا اللي اسويها وهل تجي معها رسمات منقوشه الون عليها ولا كيف الطريقه بالضبط؟

شرحي لي بالتفصيل اذا ماعليك أمر

لان يوم اني ماشفت الموضوع بديت اغير رايي واروح اشوف هالرسومات اللي يقولون عنها في المكتبات اذا تنفع او لأ؟
وسواء صبغت او حطيت هالرسومات ان شاءلله اول مايصير شكلها حلو بصورها واحطها

وعلى فكره بنكملها شوي شوي عشان اذا كبرت شوي نشتري لها شيء يناسب سنها مانبغى نملي الغرفه في مره وحده تلعب فيها فتره بعدين تزهق
نبغى نجددها على فترات

وين يبيعون صناديق الالعاب عشان اجمع الالعاب الصغيره فيه؟ وانا في الاحساء
ياليت تعطوني مكان قريب