السر تحطين هيل وزعفران ونخوة وتخلينها تطبخ ربع أو ثلث ساعة وإذا صبيتيها في ثلاجة القهوة طحي هيل وخليها ربع ساعة قبل التقديم حتى تأخذ طعم الهيل .

عاد انا السنعه اللى بعلمك سر القهوه الخطيره ......
عارفه الكفتيره الصفرا القديمه خطيره خذى المقاس الوسط وحطي نص الكفتيره مويه وخليها لما تغلى حطي عليها فنجان قهوه بن خولاني حمسه

وسط وخليها تطبخ ابو ربع ساعه بالكثير لاتطول ولا تنقص .. وتكوني حاطه فى الترمس ملعقه هيل هندي او امريكي مطحون طازه وشوي

زعفران ايراني .. وبعدين صبي هذيك على ذااااااااك وغطي ترمسك وبث ..

بس عاد قبل لا تصبين القهوه على الهيل شوفى القهوه ماتكون خفيفه ولا ثقيله ...

ملاحظه :

البراد اذا كان له فتره ماطبختي فيه قهوه او توك شاريته جديد اطبخي فيه ملعقتين بن مع مويه حاره وخليه عشر دقاياق وكبيه وبعدين ابدي

سوي قهوتك عشان البراد اذا مهجور او جديد مايطلع طعم القهوه زين .


وسلاااااااااااااااامتك ..

الله يرحم امك ويسكنها فسيح جناتهويعوضك ****لله بعيالك يملون عليك البيت ويونسونك
شوفي انا راح اعلمك كيف تكون القهوه على اصولها :
اشتري خيشه قهوه هرري واذا تحسين انها واجد وصعبه عليك التحميص والطحن اخذي من المحل محمصه وجاهزه( لانه اللي ياخذون خيشه اللي يستهلكون واجد وعندهم ضيوف دايم تكون اوفر اما اذا حسيتي ا نك مو محتاجه واجد اخذي بالكيلو) اخذي الدرجه الوسط مو فاتحه ولا غامقه وخليه يطحنها لك قوليله مو ناعمه واجد خليها خليها خشنه شوي زي جوز الهند كذا .
المهم جيبي مقدار تقريبا ثلاث كاسات مويه او اربع واغليهم واذذا غلى حطي عليه ثلاث ملاعق اكل قهوه واذا شفتيها قامت تغلي وطي عليها النار شوي مو واجد وخليها كذا ثلث ساعه وبعدين تكونين انتي قبلها مجزه الترمس حاطه فيه ملعقة هيل والافضل يكون الهيل مو قديم يعني دايم اطحني هيل حق مرتين او ثلاث بس لانه الهيل اذا قدم يصير مافيه نكهه
حطي الهيل والزعفران وسكري النار على القهوه وعلى طول للترمس لا تخلينها شوي لانها بتبرد
لازم اذا صبيتي القهوه في الترمس تخلينها اقل شي ربع ساعه لاتصبين منها عشان تنقع وتتطعم بالهيل وراح تشوفين احسسسسسسسسسسسسسن قهوه الكل راح يسالك عنها
ونصيحه انتبهي تحطين حليب والا بهارات ترى كلها خرابييييييط تخرب القهوه وتصير الصراحه زووووووواع
احلى شي تكون القهوه بالهيل والزعفران وبس
نصائح لحفظ القهوه
لا تحفظ القهوه باكياس يجب بعد شراء القهوه حفضها بعلب زجاج او صين وليس بلاستك
كذلك الهيل يحفظ بعلب الزجاج او الصين لحفظ نكهته

حليب بوني وهيليها ع النار وخليها تطبخ مع الهيل

احلى قهوه قهوتي جربيه وماراح تندمين اهم شي تكون القهوه لونها ذهبي مو بني طبعا المقدار بملعقة الشاي ثلاث ملاعق قهوه وملعقتين الخلطه القصيميه وهيل مطحون كويس بعد ما تغلي القهوه مع الخلطه القصيميه طبعا المويه تكون حارة اطفاي النار وضعي ملعقتين هيل فوقها وشغلي النار شوي اذا غلت طفي النار وضعي ملعقة هيل في الدله او الزمزميه وصبي القهوه وبالعافيه ترى قهوتي الكل يحبها