ابغى افتح مشغل ويش تنصحوني في العاملات

السلام عليكم حبوبات

عندي مبلغ حوشته والحمد لله مبلغ طيب

وابغى افتح مشغل وابغى مشورتكم في العاملات الكوفيرات والخياطات

وكمان سألت اكثر من شخص يستقدم خياطات من الفلبين قالي الاستقدام منهم مقفل وفي ازمة خياطات هل هذا الكلام صحي والي يعرف خياطة كويسة قبل كذا اشتغلت في السعودية وتبغى ترجع يدلني عليها الله يحرم وجهه النار

وبالنسبة للكوفيرات ايش افضل الجنسيات حصلت شخص يستقدم مغربيات لم يسبق لهن العمل رواتبهم 1500 ريال وخيافة يكونو اقوياء وما اقدر فيهم

وحصلت على شخص يستقدم اثيوبيات كمان ما سبق لهن العمل وما يعرفو عربي والمكتب قال لي يتعلو الشغل والعربي بسرعة

وحصلت على شخص يستقدم من كينيا بس مشكلتهم يتكلمو انجليزي وصعب يتعلمو عربي بحكم ان عندي شغالة كينية بتقرب لها عندي على سنة وما تعرف تقول جملة عربي

انظر نصيحتكم حبوبات ولا تنسوني من دعواتكم