ابغى افكار لبازار عائلي

:frown:

UP

الله يرفع قدرك

إذا عائلتك فرفوشيين وحركين وقلوبهم على بعض هذا أهم شي يخلي الإجتماع والبازار يكون حلو -بعد كذا لازم يكون فيه تنظيم وتخلون هدف أساسي اللي هو جزء من ريع البازار يكون صدقه ممكن تساهمون مثلا بوقف وتخلونه للعايله أو حجه الإسلام لمسلم جديد وبرضو تنونها عن الجميع -طبعا التنظيم يكون للأفراد وللأغراض يعني بم أنكم عيله وقريبين من بعض أكيد تعرفون وش كل واحد يتميز فيه مثلا اللي منظمين واللي يحبون البيع وفطينين فيه مثلا اللي عندهم مهارات وتكون كل أنشطة البازار منكم وفيكم والأفضل تختارون طابع معين للبازار مثلا شعبي أو متطور أو يخص بلد معين وممكن تخلونه كوكتيل يعني يكون منوع بأنماط مختلفه.
مثلا لوكان شعبي تخلون ركن لتضفير الشعر وركن للحنا وركن لو فيه أحد يتقن مثلا صنع الأشكال والأواني من سعف النخل يكون شي حلو وركن لبيع التمور رطب ومكنوز وأركان للمأكولات الشعبيه حالي مالح ودسم وقهوه وشاهي وركن للخبز والمصابيب وحلو أن القهوه والشاهي والخبز والمصابيب تصلح وتباع قدامهم يعني ماتكون جاهزه يكون المنظر حلو ويتعلمون الصغار كيف تسوى هالحاجات ممكن اللي تعرف تسوي شغلات على نمط السدو تبيعها والكل طبعا يكون لابس شعبي الحريم والأولاد الصغار والبنات وحتى الخادمات يفرحون معكم -تشغلون أناشيد شعبيه وقصائد وخلو ركن للقهوه وشغلوا فيه سوالف الغسلان -وركن برسوم للألعاب الحركيه الشعبيه وممكن ركن تباع فيه ألعاب شعبيه مثل الدنانه وركن تباع فيه مواعين على نمط شعبي -وركن تجميل تبيعون فيه ديرمان وحنا بأكياس .
ولو كان بازار على نمط متطور عاد مايبيلها عد الأشياء كثيره -ولو بغيتي حاجه حطي رد وأستني مني رد ثاني .
بذكرك خلي بنيتك التقارب في الرحم وإظهار مواهب تكسبون فيهم أجر لأن أحيانا تكون في مواهب ومدفونه بالبيوت غي كذا راح يكون باب لإدخال السروروراح يشمل الصغار والكبار والخادمات -ولاتنسون الصدقه وأبوابها واسعه من جزء من الفلوس بعد البازار -موفقين.

رفع