مرحبا سفرجل

في طريقة حلوة لتقديم التمر قريتها بمنتدى عروس أو هنا ماني متذكره


وهو تأخذين ثمرة أنا ناس وأعواد اسنان وتمر وتحطين بكل عود أسنان حبة تمره وتصفينها بشكل مرتب على الاناناس
بعد ما تكونين قصيتي من أسفل الاناناس عشان يصير لها قاعده وتقعد عدل بالصحن:27:

الشكولاته حطيها بصندوق مفتوح تكونين مزينته أنتِ بشرائط وورد حسب لون المفرش وطقم البيبي وممكن تعبينه
متى ما خلص ويكون بالصندوق تعليقات عرائس صغار او دبدوبات



اتمنى تكون الفكرة عجبتك

:26: :26:

مشكووووووووووووووووووووووووووووووورة
وماقصرتي فعلا افكار حلوة
جزاك الله خير

اختي سفرجل عندك محلات الشوكولاته كل فترة ينزلون تقديم جديد للشوكولا لفي على المحلات وشوفي مثل شارع الثلاثين مليان محلات..
الحين الناس صارو يبدعون في التقديم وراحو عن التقديم التقليدي .
مثل الصينية تتقسم لخمسة او ستة اقسام وكل قسم فيه نوع شوكولاتة مكشوفة طبعا. وتتزين الصينية بكريستال مثلآ او ريش اوورد .الخ

مشكورة اختي على الفكرة
بس عندي مشكله زوجي
مايرضى اني الف هالمحلات
يقول قولي لي الي تبين وانا اشوفه لك ومثلكم عارف اذواق الرجال مو مثلنا
الله يسهل على الجميع
وجزاكن الله خير

كتبت لك افكاري وانمسحت

بس لعيونك راح امتبها مرة ثانيه

شوفي ياقلبي

جيبي دبدوبات صغيرة وغلفي معها حلاوه بسولفان واكتبي عليها عبارات مثل((شيلوني بحنان انا هدية الرحمن))او ((شيلوني شوية شويه الماما تعبانه عليه))

وهذي طبعا هدايا للاطفال اللي يجون مع اللي الضيوف على اساس انها هديه من البيبي لهم

وبالنسبة للكبار هاتي قماش شيفون او اورجنزا وسوي اكياس كل كيس لون او ممكن تكون نفس لون مفرش سريرك ومفرش البيبي

وحطي فيها الشكولاته وعلقيها في شجرة ممكن تتسوى في اي مكتبه بالفلين المضغوط

وادعي لي بالذرية الصالحه