ابغى اقدم على اندنوسيه ومحتاره شورو علي يااخواتي

السلام عليكم
انا كان عندي خدامه فلبينيه بس مش دقيقه في شغلها وماتحب اقولها عيدي يعني سويت خلاص ارضي به كويس مو كويس
المهم انها راحت قبل ما تخلص مدتها وجبت وحدة بالشهر اندنوسية مررررررره نظيفة ودقيقة في شغلها ولما تشتغل كنت اسمعها تتكلم بصوت خافت في البداية خفت وقلت وش قاعده هذي تتمتم وتقول المهم لما دخلت غرفتها تصلي العشا نفس الشي سمعتها تتكلم لكن انا كنت بصالة الدور الثاني فما اميز الصوت او الكلام قربت من الدرج اللي يودي لغرفتها وجلست اسمع , طلعت تقرأ قرآن .
وصرت الاحظها اذا جاء ولدي عندها تنشد له اناشيد مثل يابابا اسناني واوا واحيانا تقريه قرآن واذا اعطته الاكل تقول قول بسم الله
الحين لها عندي اسبوع ونصف مالاحظت عليها اي شي مو كويس , بلعكس اعجبتني مره في نظافتها وطبخها واهتمامها بنفسها يعني ماقد شميت فيها الريحه اللي غالبا ماتكون في الاندنوسيات نظيفه مره
المهم انها لها هنا بالسعودية سنتين وثهرين باقي لها شهر وتسافر , عرضت عليها ترجع عندي بعد ماتسافر وافقت
لكن بقي شي خايفه منه هو ان الندنوسيات معروفات بالسحر وهذا اللي يخليني اتردد
شوروا علي انا استخرت وباقي انتظر مشورت احلى اخوات اخواتي بالمنتدى