طيب وايش ذنب البنت اذا زوجك اللي قاعد يدور عليها
لما تكلمي اخوها وتسوهي سمعتها
والمشكلة والبلا بزوجك

100%

لا ممكن اخوها يتضارب مع زوجك بالتالي ممكن تتطلقي كمان. لكن هدديها هي ان ماابتعدت عن زوجك انك تقدمي كل صور المحادثات لاخوها وللمحكمه وترفعي عليها قضية تخبيب - ترا فيها سجن وغرامه وقولي حتى لو علمتي زوجي بتهديدي لكي اعلم برضوا لو بطلاقي-وضحي انك اهم شيء هي تتعاقب وتنفضح. قولي اهم شيء انتقم منك لو اطلقت. ولما تشوفك بايعه ومشتكيه عليها تخاف وتنسحب بهدوء. قاااااتلي عشان بيتك بس زوجك لا تواجهيها فيها.

يا اختي يشهد الله دخلت عشان ارد عليك
اولا نصيحه لله من ستر مسلماً ستره الله يوم القيامه
استبعدي حل انك تعلمين اخوها او تفضحينها
بقولك والله مريت بالي مريتي فيه ويمكن اكثر لان زوجي كان يعاندني ويهينني عشان الي معاه
والمصيبه بنفس المدينه لك ان تتخيلي الهدايا و و و
الي كل ماشفتتها انحرق قلبي وقمت اوسوس هل صار بينهم علاقه او لا
بختصر لك الحمدلله الحمدلله الحمدلله
الشي الي صار معايا
اولا كنت ابكي وادعي ومنهاره نفسيا وحياتي انقلبت فوق تحت كانت صدمه لي قويه
بعد ماكنت واثقه فيه وبيننا موده وحب صار كذا اختلف كليا و و و
ومن كثر غيرتي كنت يوميا اسوي له مشاكل من الي اشوفه بينهم يوميا يوميا مشكله بسبب الحب والغيره وباالنهايه يطنشني واروح اراضيه وامثل اني واثقه فيه واني غلطت عليه لاني اخاف يتركني او يطلقني تخيلي بسسس لاي درجه هو مو معبرني
المهم كنت دائما ادعي بحسبي الله ونعم الوكيل وابكي واصحى من نومي ارددها من كثر ماكان قلبي مقهوووور حتى بالنوم مو مرتاحه
مالك بالطويله
والله العظيم اني كنت زيك ابغا اعلم اهلها
بس كنت عارفه لو سويت لها مشكله راح يقلب عليا وييمكن يطلقني لذي الدرجه كنت احس اني رخيصصصه
المهم فجأه قلبي برد كرهته كره صحصحت لنفسي ولكرامتي بديت اوجه القهر له هو ونسيتها هي
يعني حسيته هو الخاين الحقير الي مايستاهل دمعه مني
وتدوور الايام وانا كارهته ولا ابغا اشوف رقعة وجهه اشوف الشيطان ولا اشوفه
وهو حس فيني وبدا يهتم لي لكن بعد ايش بعد مامات قلبي كليا
بعد فتره صارت مشاكل بينهم ومشااااكل قويه
والبنت اهلها عرفو انقلب الحب الي بينهم لكره
تعرفين اش يعني كره ؟؟ يعني تهديد بينهم وكانت بتوصل للشرطه
طبعا تذكرت اني كنت ادعي دايم اللهم اجعل كيدهم بينهم
وخلاص انتهت سالفتهم
والحمدلله الحمدلله الحمدلله ان ماكان لي يد في فضيحتها عند اهلها لان منجد كنت بلوم نفسي للآن
لاني عندي بنات وما اضمن بكره اش يصير ف الحمدلله اني سترت


اتركيهم لله وادعي الله يجعل كيدهم بينهم ويبرد على قلبك واتحسبي
شوفيني حاليا زوجي رجع لي لكن النفس عافت ولنا حول ٥ سنوات والوضع زي ماهو ماني قادره ارجع اتقبله وصارت حياتي جحيم عايشه مع زوج كارهته عشان عندي ٣ بنات ومابغا اشتتهم
لكن اقول مليون مره الحمدلله كارهته ولا اني مجنونه زي ققبل ابكي وقهر وبموت غبنه بسبب الغيره
اللهم لك الحمد ومن بعدها توبه ما عاد اتعلق ولااغير ولا اثق الا بربي ثم نفسي
الله يبرد على قلبك ويرد لك زوجك وهي يهديها ويبعدها عنكم

.....