ابغى انحف عشان .....؟؟

مراااحب بنوتات

وكل سنه وانتو طيبين وجعلكم يارب من عواده ..

بنات انا راح ابدأ رجيم تحت شعار (ابغى انحف عشان....؟؟)

انا اقولكم كيف ..

الحين كل بنت في الدنيا لها امنيات واحلام تبغى تحققها ..ةلكن ليس كل مايتمناه المرء يدركه تجري الرياح بما لاتشتهي السفن صح ولا لأ؟؟

طيب اتخيلي وحدة طول السنه ماتذاكر وان شالت الماده جلست تصيح وتقول ليش مانجحت؟؟

ووحده راحت الكوفيرا بيدها ورجلها وقصت شعرها وجت تقول ليش شعري قصير ؟؟؟

يعني لايجتمع النقيضين صح ولا لأ؟؟

وربي قال * وهديناه النجدين*

يعني قدامك الطريق وانتي المسئوله عن اختيارك لانو عندك شي اسمو عقل ..

ولاتنسي ان كل انساااااااااااااان هو المهندس يلي يصمم حياتو انتي تصممي حياتك وتاخدي قرارتك بنفسك لانو نتيجتها انتي راح تحصديها ازرعي حلو بيطلع حلو ولو زرعتي مر بيطلع مر

طيب .. كدا بيني وبينك وانتي ماتعرفيني ولا انا اعرفك كم محاولة رجيم سويتها وفشلت ؟

ممكن اعد واغلط من كثرها طيبليش؟

لاتقولي مافي اراده لانو الاراده ماتجي في كرتون هديه الاراده انتي تسويها وانتي قدها واكبر منها وتقدري والله تقدري اقولك الادله ؟

الدليل الوحيد لو ماكان عندك ارادة ماكنتي الحين تقراي الموضوع واتعلمتي القراءه .. ولو ماكان عندك اراده ماكان عرفتي تستخدمي النت صح ولا لأ؟؟يعني عندك اراده:):)

بس لازم تقوي الاراده وتنشيطها لانها كسلانه:09:

عشان كدا انا كتبت الموضوع ونبغى نسوي قروب لايتجاوز عشر عضوات وشعارنا زي ماقلت ابغى انحف عشان؟؟؟

ف 979868578547سبب يجبرك تنحفي وبقول بعضها ومابقي اكتر..

اهم واول سبب ابغى انحف عشان ربي خلقني ف احسن تقويم واكون اقوى وانشط ع العبادات...

اببغى انحف عشان صحتي(ثاني اخطر مرض بعد التدخين هو السمنه ) عاد انتي افهميها وعدي امراض السمنه بداية بالسكر والكوليسترول والم المفاصل ...الخ



ابغى انحف عشان بشرتي ممكن نص خرابيط البشره من الاكل الغير صحي يعني مثلا الشوكلاته وحبوب الوجه مثلا السليوليت لا و مثلا تشققات الكتف والبطن هذا غير السواد ف بعض مناطق الجسم..


ابغى انحف عشان اقدر اتحرك واطلع السلم وانزل من غير تعب

ابغى انحف عشان اقدر البس الشي يلي يناسبني والالوان الفاتحه مو كالعاده البس غامق عشان يبين اني انحف ابغى اروح السوق والقى مقاسي بسرعه

ابغى انحف عشان احد يخطبني بالله لو عندك اخ وقلك اخطبيلي بتخطيبي البنت الدبه امكن انت تقولي ايوا اهم شي الاخلاق ياهل ترا اخوكي بيوافق ؟؟ لاتقولي الزواج من ربي ربي قال انو نتكل على الله وناخذ بالاسباب

ابغى انحفعشانزوجي الحين انتي وانتي دبه مو راضيه ع شكلك ليش تجبري غيرك يرضى بشكلك ؟؟ يعني زوجك ملزوم يقبل بشكلك؟؟ وهو يشوف التلفزون ويشوفك ويشوف اللبس فوقك انقلب موديل اخر؟؟ اعتقد انو من ابسط واجباتك انك تملي عينو واعتقد انو عين الرجال زي مانتي عارفه بحر ..:arb:

هذي بعض الاسباب يلي تجبرك تنحفي وكل وحده لها اسبابها

طيب انا راح ابدأ بنفسي

انا عسل ابغى انحف عشان امي لانو انا بعد مانزلت 10 كيلو حسيت انو امي هي اللي نزلتها مو انا فرحتها كانت اكبر مني وتعالي شوفي الدلع والله يابنات وانا قبل كنت لمن نطلع اسالها ايش البس تقول اي شي كلو زي بعض وبعد مانحفت 10 كيلو صارت هي ف غرفتي قبلي تختار والله وتجلس بنفسها تضييق اللبس وكمان كنت ان سألتها ماما ايش رايك اصبغ شعري كذا ولا كذا ؟ كانت تقولي تحفي جسمك اول بعدين نتفاهم الحين صارت تقولي غيري لون شعرك خليه كذا وكذا فاعتقد انو لازم اكمل فرحتها واوصل للوزن المطلوب

اكيد طفشتكم بالكلام الكتير بس يالله نبدأ؟؟

بشرط انو كل وحده تختار السبب عشان نقدر نساعد بعض..

وبطلو لعب ترا في عقوووووووووووووباااااااااااات:eek:

الحين كل وحده تسجل بياناتها اولا وثانيا سببها لو كان تافه يعني مثلا( ابغى انحف عشان لمن تكون السيارة زحمة اخويا مايقول نزلو فلانه هي السبب؟؟):icon33::angry2:

راح ابدأ انا

اسمي عسل بس قليل الدسم

وزني 66كيلو

طولي164 سم

ابغى اوصل 59كيلو ف العيد


ابغى انحف عشان امي

نوع الرجيم بعد ماتكمل المجموعه راح انزلو ولاتخافو حلو:26::26:

واسفه جدا جدا لو طولت او جرحت احد..

ويلي ماتبغى تدخل امانه تدعيلنا .