ابغى اهجر زوجي لمدة 3 شهور ايش رأيكم

بختصر لكم مشكلتي انا يابنات راح اولد برمضان وزوجي يبغى ينزلني عند اهلي من الحين وهو يبغى يسافر للعمل وبيرجع على نهاية رمضان يعني وقتها انا ولدت بيكون عمر البيبي بأذن الله قريب الشهر 
وزوجي بيجي يزورني يعني زيارة يوم وبعدها بيطلع عند اهله بيقعد عندهم اسبوع وبيقعد يعييد ع الناس لأخر شهر شوال ويقولي انتي ارتاحي عند اهلك احس نفسي كارهتهه الله لا يسامحه ماتحسون كأن ماعنده اهل ولا الطفل كأني جايبته بالحرام مو كأنه ابوه ولا شيء اصلا انا كنت ابغى اتنفس ببيتي يقول انتي صغيره و مايعتمد عليك الله لا يسامحه فيني ياليتني ماتزوجته ولا عرفته انا اللي اعرفه الرجال يوقفون مع زوجاتهم اذا ولدوا هذا لا تاركني يقول مو انتي اول وحده تولدين ولا اخر وحده طيب الجنين اللي ببطني هذا لا يكون حق وحده غيري وانا مادري ، اتذكر اختي يوم ولادتها وزوجها واقف جنبها وجاب لها ورد وراح يشوف البيبي حسيت بأحساس حلو واللي ماتوقع راح احس فيه الحين مدري ليش تزوجت عشان ارجع لبيت اهلي ولا اعيش زي اي وحده متزوجه والمشكلة عندي اهل فنانيين بالنكد والضرب يعني لا اهل يرجى منهم الحب والأمان ولا زوج يرجى منه الأهتمام والمسؤولية