ابغى تجاربكم، وحل لحبوب الوجه الصغيرة؟؟

مراحب بنات، مثل ماهو باين بالعنوان،،
بقولكم قصتي وابي منكم بعد الله حلول جذرية،،
انا سلمكم الله عمري 23 سنه،وبشرتي فاتحه جدا  ودهنيه مثل ماما..
 لما كان عمري 19 كنت بثاني جامعه صارت تطلع لي حبوب بالوجه ماكانت تطلع لي ابداً قبل كذا، المهم تأزمت كل صباح تصبح علي ثنتين ثلاث، هما صغار بس ينتشرون بجنب بعض ، وانا خفت يتركون آثار ، رحت طبعا للدكتوره وصرفت لي علاجات موضعيه، واكرتين وغيره كلها مانفعت، صح تقشر الحبوب لكنها ما تمنع ظهور حبوب جديده،،
اخيرا طلبت منها تصرفلي روكتان وفعلا صرفته لي واخذته مده7 شهور ، قوه20 وفعلا الحمد لله اختفت الحبوب من ثاني شهر واستمرت بشرتي صافيه مده سنتين بعد السنتين بدت تطلع لي حبوب صغيره بشكل يومي جربت غسولات ومضادات موضعيه، وكريمات مقشره الخ لمده 8 شهور ولا فيه فايده ، فقلت ابغى اعالج نفسي هالمره واخذت كورس ثاني روكتان مده6 شهور قوة 20 اختفت الحبوب وانا تركته من شهر 6 الي فات لكن الغريب اني ملاحظه من كم اسبوع نفس الحبوب الصغيرة رجعت لي وبشكل يومي تطلع،،
ياربي جاني احباط، طيب وآخرتها معهم تعبت! 
انا الحمد لله ماعندي هالات ولا كلف ولا مشاكل بالبشره غير الحبوب،، الي احسها اهم مشكله ، الغريب ان الحبوب الي فيني حتى الدكتوره مو معترفه فيهم تقول طبيعي، هما فعلا يختفون لو احط ميك اب او حتى واقي شمس، بس انا ابغى بشرتي حتى بدون ماحط شيء تكون صافيه ..
طيب واضح ان الروكتان جسمي نوعا ما تعود عليه وصار مفعوله مؤقت بالنسبة لي، وانا حالتي الحين بسيطه بس~ 
ابغا الحبوب ماعاد تطلع كيييييف؟ 
انا استخدم كل انواع الغسولات( نيتروجينا- كلين اند كلير- اكني ايد) بس ابغا مضاد موضعي او محلول او كريم او اي شيء يفيد مع الحبوب الصغيره ويخليها ماعاد تطلع؟
الله يجزاكم الخير ابي تجاربكم❤️