ابغى تفسير لهذا الشي

وعليكم السلام ورحمة الله وبركاته
أيوه في ناس طبعهم كذا
ما تشوف الخير الي عندها بالبيت وتشعر دايما بالنقص عندها وتحتقر الخير الي عندها بالبيت ، ودايما عينها على خير غيرها وهذا يوصل فيهم مراحل الحسد على نعمة الغير وأكثر من الحسد أيضا .
ووضعهم بالبيت محطم للكل وكلماتهم سلبية وأما وضعهم مع الاخرين أيضا نقد محطم إن طلب منهم النقد .
فخير لك أن ما تلتفتين للآراء المحطمة وخليك واثقة من انجازاتك الي ربي وفقك لها
ويا جبل ما يهزك ريح .

الله يكون في عونك
فعلا للاسف في امهات كذا
وانصحك تناقشيها بهدوء وتقولي لها هالشي ما يرضي رب العالمين
ومافي فرق بيني وبين فلانة او علانة الا بالتقوى
وطنشي بعد ولا يبان عليك التأثر
اذا طنشتي ممكن تبطل مقارنات
او قولي لها ان شاءالله يا يمة ولا يصير خاطرك الا طيب وبسوي اللي تبينه
او سوي العكس انتي سوي مقارنات بينها وبين الامهات الثانيات
اذا بدأت تقارن قولي طيب يا ريت يا امي تصيرين مثل فلانة او علانة من الامهات سوت وعملت وراحت وحطت
كل هالشي بهدوء سويه ولا ترفعين صوتك عليها
وادعي ان الله يألف ما بينكم ويصلح احوالكم وقولي يا حي يا قيوم برحمتك استغيث اصلح لي شأني كله ادعي بهالدعاء قبل السلام من الصلاة وبالسجود
واذا رحتوا مكان او جاء عندكم احد قولي ( وجعلنا من بين ايديهم سدا ومن خلفهم سدا فأغشيانهم فهم لا يبصرون)
كرريه كثير
لعل الله يصرف بصر الوالدة عن البنات او يصرف انتباهها

ابحثي باليوتيوب عن الأم النرجسية
النرجسيين بيستخدموا هالاسلوب للسيطرة وممكن امك تكون منهم وممكن لا .. اسمعي كثيييير وشوفي هل فعلا فيها الصفات النرجسية ولا لا.
وطنشي كثيييييير
وادعي كثيييييير

من زمان يقولون زمار الحي لايطرب
وهذا من الحرمان انها ننحرم من شكر نعم الله عليها
وتتسلط بالحسد والغيرة على نعم ربي غيرها
تكلمي معها بهدوء وقولي لو كنتي سبب في إصابتها بعين وتدعي عليك وش شعورك؟
وعددي نعم الله عليك والله يسخرها لكم

الله يفرج همك و يسعدك..