ابغى حشوة ورق عنب مطبوخة....طلبتكم يالنشميات

حبيبتي نقعي الرز المصري في ليمون ومويه حق ساعه وبعدين أفرمي بصله فرم ناااعم وحركيه على النار وأذا حمر حطي عليه الرز المصري بعد ماتصفينه وحركيه بأستمرار خفضي النار عليهوحطي البهاراتوأهم شي الثوم وحطي عليه ملح أجي أذا ماعندك ملح عادي مافي مشاكل وحطي بقدونس وكزبره بس أفرميهم نااعم وقطعي الطماطم بعد ماتشيلي مويتها من جوه مكعبات صغيره مرره..ولفيهم بورق العنب ورصيهم بقدر طبعا قبل ماترصيهم حطي بطاطس وبصل تحت ورصي وبعد ماتنتهي نفس الشي فوق بطاطس وبصل وحطي في قدر كاسين مويه وكاس ليمون وحبه ماجي وخليهم يغلون شوي وصبيهم على ورق العنب وخليهم ينطبخون على نار هاديه ,,وسلامتك هذا إللي أنا اسويه ويطلع يهبل..

هذي حشوة سهلة ولذيذة وما فيها خرابيط كثيرة تفرمين بصل وتكثرين حوالي حبتين كبار وتقلينها في زيت زيتون مع حبة ماجي بعدين تضيفين لها الرز المصري مافيه مقدار محدد حسب اللي يناسبك بعد ماتغسلينه مو لازم نقع وتقلبين لحد مايتغير لون الرز بس حوالي خمس دقايق بعدين تضيفين مويه تغطي الرز فقط والملح وشوية بهارات واذا استوى نص استواء تقريبا سبع دقايق تضيفين نعناع يابس ملعقة او اكثر هي سر الطعم في الحشوة وبس تبدي تحشين الورق ولما تصفينها بالصينية تضعي في وعاء كاس ماء حار ونص كاس زيت زيتون ونص كاس ليمون وحبة ماجي وملح وتحركينها وبعدين تصبينه ع ورق العنب وتخليه يغلي بعدين تقصري عليه لمدة ساعة وبالعافية مره سهل ولذيذ

الله لا يحرمني منك يا سيدة حب و يا دهن عود
الطريقتين شكلهم يجننوا انا بجرب الاثنين
الله يجزاكم الفردوس الاعلى

شوفي الله يسلمك انا اسوي حشوة الكل ينجن عليها ودايم يسألوني وش خلطتك المهم
افرميا بصل زي ماتحبين واحط زيت وماجي بس يذبل البصل اكون ناقعة الرز المصري من بدري واصفية واحطة علاالبصل واقلبة لمدة 10 دقايق واحط بهارات ثم شوي بقدونس وكزبرة واقلبها شوي على النار واخرشي احط شبت واشيلة من على النار واحشي فيةالورق عنب او حتى المحشي
عاد لاتنسوني من دعاكم لوالديني بالرحمة ولعيالي بالثبات وان الله يودد بينهم والله يرزقني الذرية الصالحة
وبالف عافية

الله يرحم والديك ويجمعكمفي الفردوس الاعلى ويهديهم ويثبتهم ويرزقك ال\رية الصالحة ويجزاك الخير