حبيبتي فضفضيله افضل حل
وقوليله وش مضاايقك وش يريحك
لاتكبتين بداااخلك
والله يسعدك

لا لا لا يااااختي انطوانيت انصحك انصحك من تجربة وربي مابيلك الا الخير بس اسمعي مني ومن واقع تجربة

اول شيء لازم لازم تقدرين ظروف زوجك المادية والله اول ماتزوجنا جلست سنتين مااشتريت لا ملابس ولا عطور ولا شيء كلها من

جهازي اغلب الناس في بداية حياتهم كذا وبعدين صرت اخذ مكافئة الكلية وربي احيانا ماافتحها اعطيها اياه كلها بربطتها ولا اخذ منها ولا

ريال وذهبي بعته كله وصبرت عليه

وكنت دوم ادعي ربي يفرجها علينا والله عمري ماتمننت عليه بشيء وسبحان الله خلال 4 سنوات كان مخلص ديونه ودخل بتجارة وربح

فيها وتحسنت احوالنا كثير كثير والحين مسكني في بيت واسع وحلو وعيالي بمدارس خاصة وانا ربي رزقني بوظيفة اهم شيء انتي

اصبري والله الصبر مابعده الا الفرج ولا تقارنين عيشتكم وزوجك بأي احد لأنك كذا راح تتعبي كثير واهم شيء لاتنظرني للي اعلى

منك بأمور الدنيا والشيء الثاني اصبري على وقت دوامه وهذي وظيفته يعني تبينه يتركها وبعدين من وين يعيشكم وحاولي تستغلين

فرصة دوامه بحفظ القران والأهتمام بنفسك وعندك النت عالم اخر يعني تشغلين وقتك فيه بما ينفعك وتوددي لزوجك وتهيأيله وتزيني

له لمن يجي والله هو نفسه بيحس بضيقتك من غير ماتتكلمي بس اهم شيء لا تكون مهاوشاتكم على المادة لأن هذا الشيطان

يوسوس لكم عشان يفرقكم وشيلي فكرة الأنفصال من راسك لأنك حتى لو تطلقتي منه شنو بيضمن لك انك تتزوجي شخص غني

اختي والله اني لك من الناصحين وخايفه عليك اتمنى تسمعين نصيحتي وتطبقين اللي فيها واهم شيء الدعاااء ادعي ربك يوسع

عليكم في الرزق ويرزقك الوظيفة اللي تعينك على الحياة وتعاونين زوجك فيها

اتمنى لك التوفيق يالغالية

ما ادري وش أقول لك يا قلبي
بس انا في اشياء مشتركه كثير بيني وبينك انا تزوجت زوجي بدون اقتناع وصار لي مثلك سنه ونص متزوجه وعندي ولد " 6 شهور " الله يحفظه وهم بعد زوجي دوامه طويل مره 10 ساعات يطلع الساعه 8 الصبح ويرجع 6 المغرب وهم بعد انا في بلد واهلي في منطقه ثانيه وكمان وضعه المادي اقل بكثيير من وضع اهلي وووو كثير ظروف متشابهه بس ما عمري حسيت اني اكرهه بالعكس شوي شوي تعودت وتاقلمت على وضعه ... بس اللي يفرق ان زوجي حنون وطيب وبالعكس يحاول يعوضني ويسعدني باللي يقدر عليه وهم بعد كريم معايا رغم ظروفه ... وترى انا بعد مثلك اخذ مصروف من اهلي لاني مابي اضغط عليه واحس طلباتي كثيره ...

يا قلبي انا ما انكر اني تعبت كثير بالبدايه لين ما تعودت علييييييه ... لكن اللي بأوصل له ان الاختلافات الكثيره اللي بينكم موب نهاية المطاف بالعكس سوي مثلي وحاولي تفكري في الاشياء الايجابيه اللي فيه انتي ركزتي بس على السلبيات لكن صدقيني كل انسان لازم فيه ميزه ... وانتي حاولي بعد انك تسعدي نفسك وتتأقلمي على الوضع واذا مو علشانه علشان نفسك وانك تعيشي مبسوطه ومرتاحه .. حطي في بالك ان هو زوجك وابو ولدك وتبين تكملين باقي حياتك معاه .. صدقيني بعدها راح تقدري تسعدي نفسك وتسعديه ... وترى حرام هو ماله ذنب هذي ظروفه ولازم تتحملي وما تبينيله انك متضايقه ...

انا الحمد لله بعد فترة من المعاناه قدرت اوصل لاتفاق معاه ... رغم انه ما يخلو الامر من اوقات النفسيه تصير زفت لكن ارجع واقول الف حمد وشكر ان زوجي احسن بكثييييير من غيره .. والمهم انه يحبني ويحاول يرضيني .. وانتي قلتي بعد ان اهلك مغثه يعني ناره ولا جنة اهلك ترى انا بعد نفس الشي احس انه ارحم من اهلي ...

صدقيني يا قلبي اذا قدرتي تعدلي نفسيتك وتبيني له اهتمامك وحبك راح يتغير ويصير يحبك ويدور رضاكِ ويعوضك بكل الوسائل والطرق اللي يقدر عليها ...

حبيبتي اتمنى انك ترجعي تعيدي حساباتك وتفكري زين في حياتك وصدقيني ان شاء الله راح تقدري تحتوي بيتك وزوجك وطفلك ..

يااااااااارب يالغاليه ان الله يسعدك ويحقق لك كل اللي تتمنيه ويصب حب زوجك في قلبك اتمنى لك التوفيق والسعاده

تقبلي تحياتي
همووووسه
:39:

البنات الله يسعدهم دنيا واخرة ماقصروا ابد
بس حبيت اضيف شوفي هوايتك سواء قراءة قصص مفيدة في النت او انك تزرعي بالبيت عندك او حاولي تعملي كروشية وتريكو او حتى اساوير اللي طالعين فيها الايام ذي وبين فترة وفترة دوري هواية ثانية عشان ماتملين والله يفرجها عليك

لما قريت موضوعج حسيت كانج تتكلمين عني بس طبعا فيه فروق بسيطة في الوضع.. و مع ذلك حسدتج على الوضع اللي انتي فيه.. الحين اقول لج ليش..

انا متزوجة من اربع سنوات الحين.. و متغربة عن اهلي.. و المفروض انه اهل زوجي معي.. طبعا كل من يسمع هالجزئية يحسدني الف مرة على وجودهم معاي في الغربة.. ما دروا عن حقيقة الامور..

هي الغربة في حدها ذاتها تشكل ضغط نفسي كبير على اي حد.. فما بالج لو اقترنت هالغربة بوحدة و عزلة اجبارية.. لحد الحين اوضاعي تقريبا مثل اوضاعج.. لكن زيدي على وضعي ضغوط مشاكل اهل الزوج.. و ضغوط مشاكل ثانية كبيرة كبيرة تخص زوجي ..هذي كلها ضغوط نفسية رهيبة تجنن اللي ما يتجنن.. خاصة لو كان عند الانسان الاستعداد انه يتجنن :)

و الله جتني فترة و خاصة بعد الولادة حسيت اني كرهت عمري و كرهت نفسي و كرهت الدنيا و ما فيها.. و دخلت في حالة مخيفة من الاكتئاب لدرجة وصلت فيها اني فكرت في الانتحار و قتل ولدي و العياذ بالله... و ما شفيت الا بعد ما تعالجت عند اخصائيين.. و اللي كلهم اكدوا انه كان عندي اكتئاب ما بعد الولادة و كان اكبر اسبابه الوحدة و العزلة اللي انا فيها.. حاولت اتقرب من اهل زوجي لدرجة اني حكيت لهم عن وضعي الصحي و مع ذلك ما راعوني..

المهم بعد كل هالضغوط و المشاكل.. دخلت في مشكلة كبيرة كبيرة كبيرة مع اهل زوجي و سببها اخته.. و لقيت عيلته كلها من عمومته و عيال عمومته و زوجاتهم و بنات عمومته ما بقى حد من عيلته ما قلب علي.. انهرت و تعبت و تعبت و تعبت لحد ما صار لي القولون..

منها قررت اني اعيش بعيدة عنهم كل البعد.. حتى لو يعني هالشيء اني انقطع عن الكل و الاجمع...

مر على هالموضوع سنة.. و الله يا اختي تعالي شوفي وضعي الحين...

مرتاااحة على الاخر... و احس اني سعيدة و مو ناقصني شيء.. و كونت علاقات خاصة في.. تعرفت على بنات صاروا لي خوات و اهل اكثر حتى من اهل زوجي اللي صار لي سنة ما ادري عنهم و لا يدرون عني...و صرت اهتم في نفسي وااايد... و قاضية وقتي في الاهتمام في ولدي و تعليمه و في الاهتمام في نفسي و تطويرها ..

تعرفين ليش تغيرت؟؟

لاني اكتشفت اني كنت صابة كل اهتمامي على مشاكلي.. مثل علاقتي الزفت مع اهل زوجي و كنت ميتة عليهم ابيهم يحبوني و يقربوني.. مقهورة من سلبية زوجي من هالمشاكل و من طول دوامه و قطتي بروحي طووول الوقت.. مقهورة من وضعي و من كل شيء حاولي..

لكن لما ركزت على نفسي.. بديت اول شيء بالاستغفار.. اهم شيء الاستغفار اختي.. و عقب بدت عيني تتفتح على اشياء ثانية و امور ثانية اهم من علاقتي في اهل زوجي و اهم حتى من زوجي نفسه..

تفتحت عيني على اهمية نفسي و اهمية صحتي.. و اهمية اني اكون سعيدة و فرحانة مهما كانت ظروفي و مهما كان وضعي.. و البنات اللي تعرفت عليهم روعة ما فيه مثل اخلاقهم الحمدلله.. نعين بعض و نساعد بعض.. الله يديمهم لي يا رب..

ما انكر انه احيانا يغلبني الشيطان و تجيني حالات غضب خاصة لما اتذكر المشاكل الكبيرة اللي مريت فيها مع اهل زوجي.. لكن و الله اظن لو ما كانوا اهل زوجي حواليي من بداية حياتي الزوجية كنت باكون اسعد انسانة في الكون .. لان بيكون الله خلصني من ضغط من الضغوط النفسية اللي عندي و انا و لا دارية..

انتي في نعمة عظيمة يا اختي و لا انتي حاسة فيها.. كفاية انه مشاكلج محصورة بينج انتي و ريلج وبس .. هذا اذا انتي مصرة انج تشوفينها مشاكل...اسألي مجرب.. و الله ما ارتحت الا لما ابتعدت عن الناس...لما عزلت نفسي تماما عن الناس اللي مسببتلي مشاكل و اللي تسبب لي الاحباط و القهر.. و لجأت للوحدة.. ما تتصورين شلون تغيرت نفسيتي... و الله عندي اظل بروحي لاخر العمر.. و لا اقعد ثانية مع اهل زوجي.. خاصة اني في غربة و وحدة.. و هالامرين اصعب امرين ممكن يمر فيهم الانسان لو ما عرف يستغلهم صح و لو ما عرف يختار الصحبة اللي تعينه على استغلالهم بطريقة صح.. فيه صحبة تحسسج انه وحدتج جحيم و قهر و تخلي كل الافكار الشيطانية تعشش في مخج.. و فيه صحبة تعلمج شلون تشوفين هالوحدة مثل الجنة اللي الله رزقها لج في الدنيا قبل الاخر..

لا تفكرين في الشيء اللي مو عندج... فكري في اللي عندج و بس..طوريه و عدليه و جدديه.. و الله رب العالمين ما بيخليج.. الا ما يرضيج و يكرمج في النهاية...

هذا كل اللي اقدر اقوله لج.. و تذكري لو كل بنات المنتدى قعدوا ينصحون فيج و يكلمونج من اليوم لبكرة و انتي مو ناوية تغيرين طريقة تفكيرج و نظرتج للامور.. ما راح تستفيدين منهم اي شيء و لذلك اطلبي من المشرفات انهم يحذفون الموضوع..

حياتج في يدج.. مو في يد الفقر و لا حتى في يد اوضاعج و اوضاع ريلج.. لان انتي اللي تحددين الوضع اللي تعيشينه.. مو الوضع اللي يحدد لج نوعية حياتج..

و تقبلي مروري حبيبتي...