ابغى حل خلاص جن جنوني

السلام عليكم ..
يمكن هالقسم ماهو مكان طرح هالمشكله بس رجاء لاتحذفونه ولا تنقلونه لين القى حل
المشكله عند ولد عمره 7 سنوات توه سنه اولى ابتدائي مشكلته خجول خجول بشكل مو طبيعي
طبعا خجول بس خارج البيت اما في البيت بسم الله عليه شقاوه موطبيعيه..مشكلته الحمام من يوم هو بعمر سنتين بديت اعلمه ع الحمام اتعبني اخذ مني تعليمه للحمام 3 سنوات استخدمت معه كل طرق خلاص 3 سنوات وانا اعلمه ومافاد ..الي فاد معه انو مره عملها بصاله وابوه كان موجود ابوه ماتحمل المنظر قام ضربه وبعدها الولد مشى على الصىط المستقيم صار يدخل الحمام من وحده ويعتمد ع نفسه ..بس الين الحين وقت نوم يعملها ع نفسه كل ليله اصحيه بعد كل ساعتين ادخله الحمام
واستخدمت معها اسلوب الحرمان انو قبل نوم بساعتين مايشرب اي سوائل ..وبرضو مافاد
كل طريقه استخدمتها مع تقريبا شهور الين خلاص اتعب منه
المصيبه الحين الي مالقيت حل لها انو في المدرسه اذ كان يبغى الحمام مايروح الحمام يمسك نفسه لين خلاص مايتحمل ويعملها ع نفسه والله العظيم المدرسه الحين لها يمكن شهرين باديه وهو كل يوم يرجع البيت ملابسه كلها ..بول..اكرمكم الله
بتقول يمكن عند مشكله لا ماعنده اي مشاكل هو في البيت واذ يروح الحمام ويعتمد ع نفسه اذ خرجنا برا البيت واحتاج الحمام يتكلم ويطلب الحمام بس في المدرسه من كثر ماهو خجول مايطلب الحمام ..قلت له اذ جاءت الفسحه روحو الحمام وكاني ماتكلمت ..اليوم ماتحمل ابوه رجع من المدرسه وملابسه معدومه سالنه ليش ماتروح الحمام يقول نسيت قام ابوه ضربه وحلف لو بكره رجع وهو عاملها ع نفسه ان يضربه ..انا الحين ماني عارفه كيف اتصرف معه
تعبت من سالفة الحمام وسبب انو خجول مستحيل يتكلم ويطلب الحمام في المدرسه ..روضه كان نفس شي بس روضه كان يرجع بدري ويمديه يتحمل لين يوصل البيت بس المدرسه مايرجع الا 1 ظهر وهو يكون حابس نفسه من صباح..
انا قبل يطلع من البيت ادخله الحمام..اليوم ماعطيته لا مويه ولا عصير عشان مايشرب ويجي ملابسه معدومه راح اشترى من المقصف ..خلاص تعبت منه