ابغى حل لمشكلتي

مساء الخير
هذي المشاركه الأولى لي وحابه اقولكم مشكلتي
تزوجت ولد خالي وعمري 15 سنه وهو عمره 25 سنه وكنت جاهله في أمور الزواج دام زواجي معه سنه ونص وانفصلنا بسبب كثرة المشاكل طلعت من هالزواج في ولد مصاب في فشل كلوي وبعد انفصالي من ولد خالي بأربع سنوات تقدم لي خال طليقي عمره 40 سنه وهو متزوج وعنده 5 عيال بنته الكبيره قدي في العمر ورفضت ولكن خال طليقي مصر الا يتزوجني وبعد كلام أخوي وبعض صديقاتي لي اقنعوني وووافقت تم الزواج وعمري 20 لكن كل فتره أكتشف إنه يكلم بنات واواجهه وينكر في البدايه وبعدها يعترف يقول مجرد كلام فقط صرت اشك واغار على أي حركه وعلى أي مكالمه وعلى أي رساله تجيه بالجوال واشك فيه وبعد 5 سنوات من زواجي منه شفت بالصدفه جوال بنت أختي واشوف مكالمات من رقم زوجي لبنت أختي وكلمت بنت أختي وقالت يرسل لها ويتصل عليها بس هي ماعطته وجه وماقالت لي خافت علي اتطلق مره ثانيه وواجهت زوجي وأنكر قال ماكلمها ومايعرف رقمها وصار بيني وبينه زعل قوي ظليت عند أهلي 9 شهور وبعد عدة محاولات لأرجاعي رضيت ولكن بشروطي ورجعت له ولكن الشك والغيره بزياده مااثق فيه أبد ومن رجعت له إلى الآن صار لي 5 سنوات كل فتره زعل بيني وبينه بسبب شكي فيه وبعد رمضان هذا اللي راح كان ليلة شبكة ولد أختي جات لي بنت أخوي وقالت لي زوجك مار في السياره جنب بيتنا وصار يغمز لي عينه انا وقتها ماقدرت أمسك اعصابي على طول كلمت أخوي وقلت له كلام بنته أخوي كلم زوجي مجرد كلام قال له لو تتكرر ذي الحركه ماراح يحصل لك طيب وقال له أخجل من نفسك وعمرك شايب وبناتك متزوجات وجد وتسوي حركات المراهقين طبعاً زوجي أنكر يقول ماغمز لها بس من صارت السالفه أرسل له ومايرد علي واخرتها حظرني من الواتساب ومايرد على مكالماتي وأسمع من الناس إنه طلقني وانا مو راضيه اتطلق بسبب إني سبق وتطلقت والحين موعارفه إيش اسوي ودي أرجع له بس مدري شلون والحين عمري 31 ومطلقه للمره الثانيه وطبعاً المجتمع مايرحم بس زوجي مو معطيني مجال ولا فرصه للتفاهم ولا سمع مني أي شي