ابغى حل لمشكلتي مع بنتي

بنات الله يخليكم ويخلي عيالكم ان شاء الله اقترحوا علي حل


انا بنتي دوبها عمرها اقل من شهرين وباقيلي شهر وتنتهي فترة اجازة الولاده وبعدها احتمال اخد شهر او شهرين اجازه بربع الراتب عشان اجلس مع بنتي

بس المشكله وبعد ماتخلص اجازتي فين اوديها بنتي

انا اداوم بمستشفى ودوامي مو ثابت احيان الصباح واحيان العصر واحيان بعد الساعه 12 بالليل واحيان اداوم 16 ساعه وكمان زوجي عنده دوام من الصباح الى 5 العصر

عندي شغاله و ممكن اسيبها معاها بس المشكله اخاف الشغاله تشرد عشان كدا بقفل الباب بالمفتاح عليها بس اخاف على البنت اذا قفلت الباب

والمشكله بيت اهلي مافي احد امي الله يهديها متقاعده من يمكن 4 سنين بس ماتحب تقعد في البيت دورتلها شغل في جمعيه خيريه وبيدوها راتب الف وشويه وتقول انا اشتغل عشان اسلي نفسي مو عشان الفلوس لأنه عندها الحمدلله راتب التقاعد وعندها شغالتين اندنوسيات وحده فيهم مره طيبه وتحب بنتي بس مشكلتها ريحتها مررررررره سيئه وانا اقرف منها


حتقولوا وديها بيت اهل زوجك
بيت اهل زوجي صح انه امه فيه هنالك بس هما ناس على قد حالهم وبيتهم شعبي وطول ماأروح عندهم بيتهم مغبر مرررررررررررررررره غير كدا هما طول الوقت السب واللعن على لسانهم وكم كلمه يتكلموا مرررررررررره قلة أدب بالنسبه لي يقولوها عادي حتى احيان انا الحرمه انكسف لمن يقولوا الكلام قداو وكل أولاد اخوان واخوات زوجي مرررررررررررررررررررررررررررررررررررررره مشاغبين ولسانهم طوييييييييييييييييييييييل مره وبس يسبوا ويلعنوا الأطفال
وأنا في بيت اهلي ماتعودنا كدا اولاد عيلتنا مررررررررررره مؤدبين وكيوت


مني عارفه فين اسيب بنتي

هل أسيبها مع خدامتي في بيتي وأقفل الباب عليهم؟؟؟
هل أسيبها مع خدامة بيت أهلي ؟؟؟
هل أسيبها عند أهل زوجي ؟؟؟؟ من جد مررررررررررررررره محتاره

ريحوني قلبي يتقطع على بنتي