ابغى حل لهذه المشكلة

السلام عليكم ورحمة الله وبركاته0
أرجوكم اخواتي ساعدوني في هذه المشكلة : انا لي متزوجه 4 سنوات وما كتب الله لي حمل
الى الان وانا ساكنه مع اهل زوجي وهم الحق ينقال طيبين بس يصير فيه بعض المرات يدقون
علشاني ماحملت وخصوصا ان هذا اول ولد يتزوج لهم وهذا اثر على نفسيتي كثير وحتى اذا
بغيت اروح للمستشفى انحرج لاني ماودي احد يدري اني اروح لان ماشاء الله البيت مليان
4بنات و4 اولاد كبار ؟؟؟؟
والحين انا ودي نستأجر بس زوجي محتار وش يقول لابوه يعني وش سبب الطلعه من البيت
وابوه من النوع المتفهم بس طبعا مهوب قايل ان نفسيت زوجتي تعبانه علشان كذا بنطلع
:44: :44:
صدقوني هالموضوع متعبني مره وزوجي مقتنع بالسكن برا بس العائق الوحيد وش يقول
لاهله عن سبب الطلعه لان غالبا اللي يطلعون يا عندهم عيال وما تكفي الغرفه ، وبعدين
البيت مليان يعني ماتركت امه وابوه لوحدهم مشاء الله عندهم 3 بنات في الجامعه
3 عيال في الجامعه وواحد مدرس ؟؟؟؟
ارجوكم ساعدوني وقولوا لي وش نقول لاهله؟:( :( والله اني ودي اعيش مع اهله
بس ما قدرت اتحمل دقهم 0
واخيرا اشكركم من اعماق قلبي وسلامتكم يا لغاليين 0