لازم تتفاهمين نعاه

قولي اذا انت مااعجبك اللي احط والكشخة اجل راح تعجب ميييين

انا زوجتك وهذا كله اسويه عشان عيونك بس ياعيوني


وبالنسبه للهوشه قولي له فضفض لي انا زوجتك وابغاك تطلع اللي بقلبك عشان ترتاح


الله يسخره لك ياقلبي

الله يسخره لك يارب

يمكن هو من النوع اللي مايعلق ومايسولف .. يعني بطبعه كذا

فيه رجال كذا عاجبهم اللي تسويه زوجاتهم بس مو من النوع اللي يعلق .. او مو من النوع اللي ينتبه كثير

حاولي تسألينه من فتره لفتره وشرايك فيني .. حلو البسه كذا ولا كذا .. تبيني احط لك هذا العطر ولا هذا

ولا حاولي تسولفين عن الاشياء اللي يحبها واقري عنها

انا بنت خالتي زوجها يموت فيها .. يقول انتي غير احسك ذكيه تعرفين تردين اذا سألتك شي

وهي سواليفها مو بس رحت وجيت واليوم مانمت وبنتي مارضت تاكل .. يعني هذي سواليف محتاجه الوحده تقوله لزوجها بس مو 24 ساعه على هالسوالف .. تقول انها تسولف عن الاشياء اللي يحبها زوجها مثل بعض الكتب اللي يحب يقراها او اشياء الرجال

والوحده مو تنشب لزوجها يسولف معها الا غصب قولي وش صار او تسوي نفسها زعلانه ليش ماقال لها .. حاولي تفهمينه انك محتاجه يسولف لك تحبين تسمعينه اذا جا يسولف واذا جا يعطي رايه و بالتدريج والصبر بيبدأ يتعود انه ياخذ ويعطي معك اكثر

ونقطه ثانيه الزوجه اللي 24 ساعه كاشخه هذا الزوج يتعود ويحس انه هذا شي طبيعي وعادي

عكس لما تغير .. تلبس عادي كم يوم وفجأة يشوفها كاشخه ..

او عطرها دايم قوي وفجأه يشوفها حاطه عطر هادي كذا يحس انه زوجته غير وانها متجدده .. لأنه لو كل يوم شكل وعطر او هذا الشكل له هذا العطر بيمل بعد فتره او مارح يحس بحلاوة الشي

اقري كتب عن الحياة الزوجية .. عن الرجال .. لأنه يمكن المشكله مو بس منه منك انتي بعد

و****الله ربي يسخر لك زوجك ويوفقكم ويحفظكم ويسعدكم

الله يسخره لك ويحنن قلبه عليك ..

الله يعطيكم العافيه والله يسمنك ياتوفي