ابغى حل يا بنات بخصوص الدورة الشهرية

مرحبا


اللي تعرفني راح تعرف معاناتي بالحمل ، انا والحمدلله على كل حال ربي ماكتب لي حمل وابحث عن طرق للحمل لعل الله يرزقني ..


قبل شهرين اخذت ابرة تفجيرية وللأسف ماصار حمل وبيوم 14 نزلت الدورة وماله داعي اكتب صدمتي وشعوري وقتها ..



اخر مره جتني الدورة بتاريخ 10_12_1437
ييوم عيد الاضحى المبارك ..


وليومكم هذا ماجتني انقطعت من شهرين !!


انا اتوقع لخبطها لي الدوفاستون لان وقتها قالت لي الدكتورة استمري عليه 10 ايام إما يثبت حمل او ينزل الدورة ..



المهم انا خلال هالشهرين حللت اكثر من مره منزلي وكله سلبي ..


وانا الحين متاكده انه مو حامل انا ، لأن الحمل مثل ماتعرفون له أعراض وعلامات وأنا ما حسيت فيها .. واحس بطني من تحت انتفخ اظن انه من تأخر الدورة ..


الحين ابغى شيء ينزلها غير الدارسين ؟



في مطبخي عندي : كمون ، يا نسون ، قسط هندي ، شمر ، قشر قهوة ، نونخه ، با بونج ، قرنفل و رشاد وميراميه ، زنجبيل ..


وش استخدم منهن حتى انزلها ؟؟



ادعوا لي يا بنات ان الله يرزقني والله تعبت نفسيتي جدا ..


معي تكيسات بسيطه + ضعف تبويض والضعف عالجته بس باقي التكيسات والله المستعان بس ..