ابغى خدمة من الكريمات

السلام عليكم ورحمة الله وبركاته


كيف هي أحوالكن أخياتي؟؟

أسأل الله أن تكون على مايرام وأسأله تعالى أن يتقبل منا الصيام والقيام ويهدينا لأحسن الأقوال والأفعال


وبصراحة انا مستعجلة ومادخلت المنتدى الا لاني ابغى منكم تفيدوني لأني ناوية اقص شعري بعد فترة لكن ودي اعرف اللي يناسبني , لاني في المرة اللي فاتت اعتمدت على الكوافيرة وتوقعت انها شاطرة وتعرف الانسب لي لكن طلعت موشي

عموما انا راح اعطيكم مواصفات شعري ووجهي واقولكم على اللي ودي اياه وانتو احكموا وعطوني اراءكم بس ولاتشيلون هم

انا شعري يوصل ثلث ظهري بس.. ويجيب العلة(يعني جاف /شوشة /مموج)واللي يشوفه يقول غليظ ووجهي طويل وعيب جمجمتي انها عريضة من الجنبين (بس من الجنبين) وعلشان كذا لما الف شعري وارفعه يكون شكلي غلط ونفس الشي لما اربطه واتركه على ظهري علشان كذا قلت لازم اقصه -لكن على طوله علشان مااندم-وفكرت اقصه طبقات بس مو اي طبقات .. لا..طبقات تخلي شعري كأنه خفيف.

فايش رايكم ؟؟ وش هي احسن قصة تناسبني؟؟

وبغيت منكم طلب بعد -الله لايهينكم-ابغى صورة لقصة الحمامة


ملاحظـــــــــــــــــــــــــــــــات:

لاتقولون ان فيه برنامج نازل اقدر عن طريقه اني اعرف الانسب لي من القصات والصبغات لاني بصراحة اخاف اني اغامروبعدين اتورط
ولاتقولون مادام شعرك شوشة وكثيف ليش تقصينه

لاني سمعت من بنات كثير يقولون ان كثرة القص تضبط الشعر وتنعمه

آسفة على الاطالة
ولاتخيبون ظني فيكم..

بانتظار ردودكم