ابغى خطابه

السلام عليكم
انا بقول الي بخاطري وبطلب طلب وطلبي ممكن غريب عند البعض ورجاءً مانبغى مشادات بالردود لان كل شخص وله حريته
الله سبحانه وش قال ( المال والبنون زينة الحياة الدنيا) اذا جاء المال مع الاخلاق والدين والصحه ماعتقد فيه افضل من كذا انا يابنات من طبقه عااااديه فيه اشياء اقدر عليها وفيه اشياء لا لكن الاغلب لا يعني فقط اشتري الشيء الي لازمني البنات الي بمجتمعي متزوجين من رجال مثلهم وحياتهم طبخ غسيل ولاده يعني حياة مثل بعض الناس متوسطين الدخل يعني السفر برا نادر الماس ذهب نادر جداً ومافيه اصلاً تعرفون الحين الزمن تغير وصارت الماركات هاجس ( بعض البنات ) واشوف بنات من مجتمعي يعني من مجتمع الطبقه العاديه ودهم بالكشخه والرزه يتمنون لكن هذا نصيبهم واسال ربي ان يهنيهم
- يشهد ربي على كلامي ويمين بالله اني صادقه في كل كلمة بقولها الان انا خالتي متزوجه امير وتوفى وجابت بنت الان بنت خالتي عمرها تقريباً بالاربعين وخالتي تزوجت مره ثانيه واااااحد عادي جداً جداً جداً وعاشت وجابت بنات الغريب يابنات ان هذي بنت خالتي ماخطبت لخواتها امراء رغم ان اختها الي من الاب زوجت كل خواتها امراء اللهم لاحسد طبعاً الرزق بيد ربي وانا بصراحه مش قل ثقه بربي لاوالله احس اني غاسله يدي من بنت خالتي انها تذكرني لواحد من اسرتها لو كانت راعية خطبه كان خطبت خواتها او خالتي الي يوم كانت شباب كانت تبارك الله جميله لكن يضل نصيب
انا سبق وذكرت اني من طبقه عاديه وطلعاتي مافيها اختلاط فقط من طبقتي انا امنيتي اتزوج واحد اخلاق ودين وغني يابنات انا ابغى اعيش حياتي اسافر البس اتكشخ ودي اتصدق وافرج لناس ودي اساعد ودي انبسط بحياتي وربي يابنات لولا الله ثم خالتي وبنتها كان خوالي ماتوظفو وكل بنات خالتي الي اختهم الاميره تبارك ربي متوظفات يعني بختصار زواج خالتي من الامير سوت اشياء كثيرررررررره عند خوالي
انا ابغى اسأل شلون انخطب من واحد اخلاق ودين وغني طبعاً بعد الدعاء وانا اصلا طلعاتي محدوده ولا عندي ارقام خطابات ثقه ( الي عندها ارقام خطابات امراء او ناس غنيه ثقه ، ترسل لي بالخاص ولها دعوه بنص الليل وماراح انسى لها هذا المعروف ) عطوني طرق شلون انخطب انا ولحد يقولي خلي امك تقول لبنت خالتك امي مستحيل تسوي كذا 😕 ابغى حياتي الزوجيه تتغير ١٠٠ من ١٠٠ ابغى اعيش ابغى اشوف ابغى انبسط ماشاءالله تبارك ربي اذا رحت لبيت بنت خالتي يابنات تعالو شوفو العز والدلال اشياء بحياتي انا ماشفتها
ابغى شيء يوصلني لطبقه المخمليه بعد ارادة ربي وفعل السبب شيء حلو عطوني اشياء اسويها
انا اعرف وحده من عايله عاديه وتزوجت واحد منصب المهم جت مره لاجتماعنا وجالسه بكرسي والطقم الفخم واللبس والكشخه قالت وحده الله يرحم ايامها كانت جالسه عند العنز😂 وعمتي كانت ماخذه واحد تاااجر يحبها وتجي وحده تدخل براسها افكار وطلبت الطلاق والله يابنات الحين تعض اصابع الندم تقول ليتي جالسه على العز والدلال وتزوجت واحد عادي ماعنده وظيفه والله يابنات انه لاجا العيد ماتشتري من قوة ان ظروف زوجها عاديه
انا ادري طولت بالكلام لكن انا قلت ودي اقول كل شيء مره وحده ورجاءً مانبغى ردود مش محترمه وشكراً💙