السلام عليكم
كيفكم حبيباتي
اليوم جيتكم وكلي هموم وقلت عسى القى حل او دعوه حلوه منكم
ببقولكم قصتي ..انا متزوجه من 6 سنين والحمدلله والله ارزقني بزوج صالح واهل زوج صالحين لو الف الدنيا هذه كلها ما القى مثل طيبتهم وقلبهم علي ..بس عندي مشكله ومالاقيت لها حل وتعبت ادور احس اني كبرت فوق عمري 10 سنين .. قبل لا اتزوج كنت اميره ببيت اهلي كل شي اقول ابغاه يصير عندي عمري ماتهممت بشي من خلال الماده وكانت كل اموري مجابه يعني ياختصار حالتنا الماديه كانت زينه والحمدلله .. ولما تزوجت شفت ظروف زوجي واهل زوجي قلت كل بيت وله ظروفه ... المهم قلت ما راح اثقل على زوجي راح اوقف معاهم وبديت اسوي تجاره من بعد عرسي بشهرين تخيلووووووو .... وكملت 6 سنين اعاون زوجه واهله وتعرفون مايجي من التجاره الا الديون ... واهلي بعد مو مقصرين معانا ... بس ما احب اطلب اذا احتجت لهم ...والحين الدنيا صارت غاليه وماقدر اضغط على زوجي واطفشه من البيت ..قلت بصبر لين يترقى او يتعدل معاشه ..بس القهر سوقي وقف وحالتنا الماديه زفته وغير الي بطالب بالديون ...ماجيت اطلب حد او اقول ساعدوني بس بنات شو الحل والله تعبت ... اخواتي يقولون زوجك له حق يصرف عليك وعلى عياللك وبلا هالتعب كله .بس انا اعرف والله لو زوجي عنده ماقصر ...وكمان اهله كل اعتماده عليه ..صرت طول ليل ابكي ادور لي حل ...وطالبت بشغل ..ادعولي عسى ربي يوفقني واقدر اعاون زوجي ..بنات اعذروني حبيت افضفض شوي ...اول مره انفجر كذا ...وصرت ادعي ربي واستغفره ....ويارب بيفتح لي ابواب الرزق والسعاده .. اعذورني ..ادعو لي
sh2007 @sh2007
عضوة
يلزم عليك تسجيل الدخول أولًا لكتابة تعليق.
sh2007
•
تسلمين يابعد عمري ..فعلا قدمت لهم في ضمان وسعيت لين ينزل لهم معاش خاص فيهم بس المعاش مو هذاك الزود يعني بعد في حاجه لنا .. والحياه غاليه ..الله يرزقكم ويرزقنا ويرزق كل مسلم في هالدنيا ... الحمدلله
طيب حبيبتي تقدرين تدرسين الصفوف الاولى عندك فالبيت
يعني مثلا اول و ثاني و ثالث , اولاد وبنات , اذا تقدرين سوي هالشئ , وممكن تطبخين فالبيت
يعني مثلا تتخصصين بشئ معين عشان لا تضغطين على نفسك بالحيل , مثلا يكون ورق عنب او حلويات
وبكذا احس ماراح تنشغلين الوقت كله وفوق هذا راح تلقين دخل حلو لك باذن الله , و الاستغفار يفتح ابواب الرزق
باذن الله , استغفري كثير بنية ان ربي يحقق لك اللي تتمنينه وماتدرين , ربي يغير من حال الى حال برمشة عين ,
الله يوفقك ويرزقك انتِ وزوجك الرزق الطيب الحلال , ويخلي لك كل غالي على قلبك .
يعني مثلا اول و ثاني و ثالث , اولاد وبنات , اذا تقدرين سوي هالشئ , وممكن تطبخين فالبيت
يعني مثلا تتخصصين بشئ معين عشان لا تضغطين على نفسك بالحيل , مثلا يكون ورق عنب او حلويات
وبكذا احس ماراح تنشغلين الوقت كله وفوق هذا راح تلقين دخل حلو لك باذن الله , و الاستغفار يفتح ابواب الرزق
باذن الله , استغفري كثير بنية ان ربي يحقق لك اللي تتمنينه وماتدرين , ربي يغير من حال الى حال برمشة عين ,
الله يوفقك ويرزقك انتِ وزوجك الرزق الطيب الحلال , ويخلي لك كل غالي على قلبك .
مااقول الا الله يهني زوجك فيك ما شاء الله عليك بس من رايي اطلبي اهلك يسددون ديونك طبعا مو كذا قولي لهم اعتبروة دين علي يصير الدين لكم ولا للغريب ومتي ماللله فرجها سددي لهم وسالفه الشغل يااما تدورين وظيفه لك بنفس منطقتك او من رايي تصيرين مسوقه حق شركه عطورات او وحده تبيع اغراض اذا عندك زباين يعني تسوقين بضاعتهم وتاخذين لك نسبه هذي مافيها دين ولا خساره ولا شي انتي وشطارتك او تقدرين حتي تبيعين اكل اذا طبخك حلووو جاي رمضان سوي مفرزنات او طبخات وبيعيها وبتطلعين خير ****لله والله يوفقك يارب ويرزقك الرزق الحلال
الصفحة الأخيرة
وشيء حلو تساعدينه بس انتي لاتحملين نفسك فوق طاقته
انتي اعملي لك جدول وشوفي الضاروريات وتنازلي شوي عن الااشياء اللي مو ضاروريه بعض منها مو كلها يعني على حسب ظروف زوجك
ودام انه لو كان معه ماراح يقصر وهذا الشيء لانك تعودتي على حياه قبل زواجك
غير عن حياه زوجك وشوفي ظروف قبل ابوك غير زمن ازواجنا الدنيا كل مالها تغلى قبل كل شيء كان رخيص واكيد بيت اهلك غير عن زوجك والظروف غير قبل
جمع الفلوس قبل كان اسهل من الاان وحاولي تتاقلمين مع وضع زوجك اكيد هو موراضي باللي يصير بس ايش تصلحين اوقفي معه ودامه هو اللي شايف اهله ربي بيعوضكم
خير ان شاء الله عليك باالدعاء والااستغفار والصدقه وشوفي اذا زوجك يقدر يصلح اسهم حلال او مشروع صغير اي شيء يعني يفيد زوجك
واعملي زي ماقلت جدول الضاروريات قبل يعني والشراء اغراض البيت وكذا بالكراتين تجلس فتره وروحي للسوق وقت التخفيضات والله يرزقكم اختي وتتوضفين وقدموا على الضمان اذا يسمح الااهل زوجك يعني اذا ماعندهم مصدر مال الله يعين ويرزقكم ويرزقنا