ياربي ضاقت في الدنيا وخايفه منها اسمي ما سميته من الهوا
اول شي السلام عليكم ورحمه الله انا ما نزلت الموضوع
علشان حد يسمعني كلام جارح من غير شي اعصابي صفر
ما عليكم امر يا الغاليات بتكلم معاكم في موضوع اخت زوجي
اللي تطرأت فيه من قبل في موضوع الخلاصه انها كانت تعرف
شاب وتركته وانخطبت المشكله مو هينا الحمدلله خلصت من
موضوع الشاب على خير والله يستر عليها ذا اللي بقوله وربي
يقويها وانه ما يحن قلبها له يارب يا ستار الله يستجيب هالدعوه
لان المشكله اللحين انها ما هي متقبله اللي خاطبها تقولي انا
ابغاه فلان ماني شايفه غيره والله فخاطرها تفركش موضوع
خطيبها خاصه انها لسه ما تملكت يعني ( ما عقدت قرآن )
والموضوع اللي شاغلها بعد ان خطيبها اكبر منها ب 14 سنه
وهذاك الشاب اكبر منها ب سنتين بس السبب انه ما جا يتقدم
لها انه ابوه صعب وهو ما هو عارف وشلون
بيقول لأهله انه تعرف عليها بس هي تقول يمكن كان فيه امل ابوه يوافق
و تطلع الف فكره
قلت لها يمكن مالك خير معاه والله اختار لك خطيبك
وخاصه خطيبها ما شاء الله دبدوب شوي و هذاك نحيف واحلى من
خطيبها و مهو سعودي خليجي بس من دوله ثانيه
يعني من الاخر بتقارن وهي بصراحه ما شاء الله قمر الف مليون
واحد يتمناها وترى الشاب ما شاف لها
ولا صوره ولا يعرف كيف شكلها
قلت لها يعني تخلي خطيبك ولا وش تبغى قالت مدري
وش بتقول لأبوها ما ابغى افشله مع الناس وما ابغى اندم على زواجي منه
وخاصه ان عمتي ام زوجي مره مبسوطه علشان بنتها بتتزوج لانها اول
واحده عندهم تتزوج من البنات < إذا تعرف عمتي بالموضوع لتكسرني
وتكسرها والوم ما هيجي على بنتها وقتها عمتي بتقولي انتي اللي سكتي
عليها بس ما اتوقع هالكلام يطلع من عمتي وإن شاء الله ما يطلع
لأن طيوبه وحبوبه الحمدلله ما شفت منها شي
المهم البنت قلبها متعلق ب اللي
كانت تحبه وازيد من الشعر بيت ان في واحده من اقارب خطيبها متعمدتها
والله الموضوع ما كان ناقصها
إذا لقيتوا حل لهالمشكله خبروني لإني بدأت اتعب وقلبي يعورني عليها
والسلام خير ختام
عفوآ يا بنات قريت ردود تقول خليها تستخير تستخير في مين
هذاك الشاب خلاص ما بترجع له لانها عندها عزت نفس قويه
ما تحب تذل نفسها لحد وتترجاه
مشاركاتي قليله فما بقدر اتواصل معكم طول الوقت
يلزم عليك تسجيل الدخول أولًا لكتابة تعليق.
عيون اللبوه
•
ماشاء الله الله يديم المحبه بينكم ماعندي خبره بهالمواضيع ان شاء الله البنات ينفعونك
الراى الحكيم واللي كل رااح الكل يقوله
(الاستــــــــــــــــــــخــــــــــــــــــــارهـ)
مايحتاج له راااي
(الاستــــــــــــــــــــخــــــــــــــــــــارهـ)
مايحتاج له راااي
غريبة تنكد حياتها ةتحزن على شان واحد بايعها ؟؟؟؟
هو رجال لو يبغاها ورايدها كان سوى العجب وقرر يكون رجل بمعنى الكلمة ويتزووجها...
بعدين فيه شي ما يعرفونه البنات وهو :ـــــــــــــــــــــــ
اللي يكلمك ويحبك بسرقة من أهلك وأهله مستحيل يتزوجك بيقول اللي تخون أهلها بكره بتخونني..
وحتى لو تزوجها بيصير حياته معها كلها شك ومراقية وتخوين لها ...
والله يعوضها ويسعدها مع العريس الجاد اللي جاها من الباب مهو من التلفون....
هو رجال لو يبغاها ورايدها كان سوى العجب وقرر يكون رجل بمعنى الكلمة ويتزووجها...
بعدين فيه شي ما يعرفونه البنات وهو :ـــــــــــــــــــــــ
اللي يكلمك ويحبك بسرقة من أهلك وأهله مستحيل يتزوجك بيقول اللي تخون أهلها بكره بتخونني..
وحتى لو تزوجها بيصير حياته معها كلها شك ومراقية وتخوين لها ...
والله يعوضها ويسعدها مع العريس الجاد اللي جاها من الباب مهو من التلفون....
الصفحة الأخيرة