ابغى رايكم

سلام عليكم و رحمة الله وبركاته

السالفه ومافيها


أنا عندي صحبه زي اختي تماااااااااااااااااااام لينا حوالي 10 سنين صاحباتمن ايام الجامعه
حتى زواجاتنا كنا مع بعض وبعد الزواج كنا نخرج نتقابل وبعد الخلفه صرنا نخرج بأطفالنا
ويوميا نكلم بعض


المهم صحبتي سافرت من 3 اسابيع وقعدت اسبوعين ورجعت
أنا على نهاية سفرها صارت لي ظروف زوجي تعب مره واتنوم في قسم القلب وتعرفوا كيف فجعة الواحد زوجك و توأم روحك ماعنده اي امراض و عمره صغيره وماعنده اي عوامل للقلب وفجاه يطيح بين يديك وكل يوم تحليل شكل واشعه شكل غير نفسيته المحطمه وانا كنت من جد تعبانه وكل يوم معاه وسهر وبكى والنفسيه دمار

و في نفس الوقت بنتي الصغيره الظاهر بدا تسنين عندها سخونه واسهال شديد حبيبتي اتنومت لأنه جالها جفاف بسيط و على الرغم انه لا اهلي ولا اهله يدروا بالموضوع لأنه هو مايبغى احد يدري
كلمت ماما وقلتلها صار كدا و كدا وانا في التخصصي الطوارئ وقالوا لازم تتنوم وزوجي مااقدر ابعد عنه جات ماما مع بنتي
وانا كل دا الكلام صار بعد ما صحبتي رجعت من السفر بس قبلها انا مقفله جوالي عشان اهله لايكلموني واضعف واقولهم

المهم صحبتي رجعت من السفر وتدق علي يعطيها مقفول طبعا تجيني خدمه موجو د منها وقلت بس نهاية الاسبوع لمن تهدا الأوضاع اكلمها بس دحين مني قادره اكلم احد
المهم وهي يوميا تدق وبس انا نهاية اليوم اشوف خدمه موجود منها تعرفوا في المستشفى مع زوجي واروح لبنتي واروح لزوجي
المهم صحبتي انا عارفه انها قلقت علي بس غصب عني
اخر يوم قبل يومين كدا
يوم خروج زوجي من المستشفى ارسلت رساله قالت انا بتصل على جواليك يديني مقفول انا رجعت وحبيت اسلم عليكي
انا وقتها في الحمام( الله يكرمكم) زوجي انتبه اني لسه مارديت عليها قام قال في نفسه بدل ماتزعل منها ارسلها انه هي مسافره وجوالها عندي
قامت بعد شويه ارسلت انه انا كلمت الخدامه في البيت وقالت انها راحت الدوام
زوجي مارد عليها وهدا الكلام كان الظهر
بس على العصريه خرجوا زوجي من المستشفى وفي البيت زوجي افتكر الحكايه وقلي
قمت انبته وقلتله انا كنت ابغى اكلمها بس نرجع البيت
المهم دقيت عليها ماردت قمت ارسلتلها رساله انه انا اسفه عارفه انك زعلانه بس غصب عني صارت لي ظروف كدا وكدا وزوجي اتنوم وبنتي تعبت ونفسيتي مرررررره تعبانه
المهم ماردت علي دا الكلام من يومين
قمت قلت خلاص انا سويت اللي علي. وبيني وبينكم زعلت انا لو هيه صار لي معاها كدا بس عرفت انه زوجها لاسمح الله اتنوم او بنتها تعبانه اعذرها لو ماردت علي سنه واتصل اسال على بنتها و زوجها ومستحيل اعاتبها لأنه صارتلها ظروف طارئه

ماجاني قلب اسكت كدا دقيت على وحده صحبتي كتير نتجمع معاها ونخرج معاها وحكيتلها كل اللي صار قالتلي لا هي اكيد مافهمت ولا هي مستحيل تزعل اذا عرفت الوضع محتزعل انا حأكلمها وافهمها الوضع ا تشيلي هم

سكيت وقلت دي اخر محاوله


ودحين الموضوع دا لي يومين ومااتصلت ولا عبرتني

ايش رايكم هل انا غلطانه؟؟ تتوقعوا هي مستنيه مني اني اتصل اتاسف؟؟؟ هل الطرف التالت كلمتها وطنشت ولا لسه ماكلمتها؟؟
اعذروني عارفه انه مشاكل زي كدا مو مكانها هنا بس مو قادره اوقف تفكير على رغم مرض زوجي
استغفر الله الواحد يلاقيها من فين ولا فين