ابغى رايكم

السلام عليكم ورحمة الله وركاته كل سنه وانتو طيبين يابنات انا مره محتاره كيف اتعامل مع اهل زوجي انا الوحيده الغريبه بينهم كلهم عيله وحده وانا الوحيده اللي من بره المهم هما يعاملوني اخس معامله مره باحتقار كاني اقل منهم مع اني انا الاحسن واهلي ناس مره معروفين وبابا شخصيه مره كبيره في البلد وهما ناس مره عاديين مره يقللو من قيمتي قدام الناس كاني شغاله يتجمعو ويروحو زيارات ومناسبات ولا ادري ولا يجيبو سيره قدامي اني رايحه عمرهم مادخلو بيتي مع اني ليا اربعه سنوات متزوجه وساكنه معاهم في نفس العماره والله يابنات اقسم بالله اني دخلت بيتهم بحب كبير وعاملتهم معامله خياليه والله العظيم كلو حب فيهم وفي زوجي ابغى ارضيهم باي طريقه لكن هما يكرهوني والله سيرت اخاف منهم نظراتهم كلها حقد مادري ليش وكل كلامهم معايا تحطيم في اهلي وفي شكلي مع اني احسن وحده فيهم وهما بنفسهم احيانا يغلطو ويقولوا اني احسن وحده فيهم ام زوجي تبغاني شغاله عند بناتها تبغاني اخدم عليهم طول ما هما هنا وانا خلاص معد اقدر احسو حرام فيهم والله مهما سويت يقولولي اتعلمي من سلفتك تراها بنت رجال وانا والله معاهم احسن منها وهيا بنفسها تقول والله يابنات سيرت ما اصفطلهم شي استخسر فيهم كل شي اكره اعطيهم اي شي اكره اكلمهم اكره اجيبلهم معايا اكل او اي شي حتى الهدايا ما اقدر اجيبلهم شي احسو خساره فيهم لاني من يوم ماتزوجت ماعمرهم افتكروني بشي والله سافرو وجابو لامة لا اله الا الله ماخلو صغير ولا كبير ما جابولو حتى زوجي جابلو وانا ما جابولي ولا شي عمرهم ما ارسلولي شي رغم انهم عارفيين اني طول اليوم لحالي وزوجي في دوامو ولا اطبخ اغلب الوقت عمرهم ما قالو اطلعي معانا والا ارسلولي شي وانا طول عمري اقدم اقدم ولا عمري شفت منهم شي غير المشاكل ام زوجي تكرهني تحاول باي طريقه انها تستفزني وتستحقرني وتقلل ثقتي بنفس مع اني عارفه ومتاكده اني احسن وحده فيهم بس مادري ليش تسوي معايا كدا ايش اسوي معاهم دحين جاييين البنات عند امهم في الاجازه وابغى اعرف كيف اتعامل معاهم اطلع كل يوم واسويلهم اكلات معايا اخدمهم والا اطنش هما اصلا لو اغيب سنه ماقد سالو فيني كيف اسوي معاهم