ابغى رايكم

الأسرة والمجتمع

انا كتبت بعض مافي نفسي على زوجي ابغى رايكم بالي كتبته ارسله لزوجي ولا كذا بزيد معاملته السيئة لي
(@بسم الله الرحمن الرحيم @)
مدري كيف ابدا انا احبك ياحبيبي ولا اقدر استنغنى عنك بيوم من الايام وكل ماله يزيد حبي لك بس لما اشوف معاملتك السيئة لي اسوي نفسي انك ماتهمني بشي وادعي عليك واسبك بس بقلبي اقول الله لايحرمني منه ويخليه لي انت حبيبي سندي بهالحياة انت السعادة انت حياتي ومالي حياة من بعدك بس تعبت والله تعبت مدري ايش اسوي تجنبتك صرت المكان الي تجلس فيه اروح لمكان ثاني عشان مااتواجه معك سوالف مستحيل نسولف مع بعض صرت لاشفتك على طول تدمع عيوني وين راح حبيبي وعمري وابو عيالي ليش صار كذا ايش غيره تعبت من التفكير عيوني تعبت من كثر البكاء ابغى اعيش معك بدون مشاكلك بدون معاملتك القاسية بدون نظراتك الشرسة لي ابغى السلام ابغى الراحة ابغى حبك الله يسعدك عاملني زي ماامركم الرسول رفقاً بالقوارير ارفق بي انتبه انا انخدشت وانت تعرف الشي لاانكسر مستحيل يصلح انا انخدشت الحق علي قبل لايجي يوم ماينفع الندم وانكسر خلينا نرجع زي زمان مو عشاني او عشانك لانفكر براحتنا خلينا نفكر براحة فلذة كبدنا تعبنا وتعبوا معنا
خلينا نبدا صفحة جديدة عشان عيالنا يفرحون ويعيشون مثل باقي الاطفال انحرموا من طفولتهم من كثر مشاكلنا تعبت نفسيتهم ارفق بهم وبي وبحالك
احبك حبيبي ))
31
3K

يلزم عليك تسجيل الدخول أولًا لكتابة تعليق.

تسجيل دخول

دانية الرياض
دانية الرياض
كل هالحب وهو يعاملك معاملة سيئة اجل لو يعاملك زين ؟؟؟
هالحكي ماينفع ابداً ونصيحه لاترسلينه بيستقوي عليك اسلوب المسكنة ماينفع مع بعض الأشخاص
ام هند👑
ام هند👑
الرجال مثل الاصابع كل اصبع مختلف
بس بوجهة نظري لاترسلينها لان اغلبهم العقل اللي يتحكم بتصرفاتهم مو العاطفه
رسالتك حلوه بس انتي محتاجه تتفاهمين معاه بعقل اكثر
وش مشكلتك ؟؟يمكن العضوات يفيدونك بحل يناسب
لهفه وشوق
لهفه وشوق
الله يسخره لك يارب ويحنن قلبه عليكم
[ الأمل ]
[ الأمل ]
أحس جاتني قشعريره 😫 تأثرت بكلماتك
ويارب ياكريم تأثر فيييه
جربي حبيبتي وإن شاء الله تلاقين ردة فعل كويسه


والله يئلف بين قلوبكم ويرجع لك احسن من قبل يارب ❤
لقيت روحيy
لقيت روحيy
لو مكانك برسلها ممكن تفوقيه لشي مو منتبهله ويحس تصرفاته عادي. اقل شي يكون بذلتي السبب..ونبهتيه انك متضايقه من فعله المفاجأ وتغيره...من حقه عليك تنبهيه انه تغير عليك مو تكتمي بقلبك لين تخرب حياتكم....الرجال صحيح يختلفون بس دام زوجك من رسالتك واضح ان ماكان سيء معك من الاول فلعل شي اصابه او مو حاس انه يأذيك....اجمعي بين الرسالة والدعاء له تجنبي بقدر استطاعتك انك ماتدعين عليه لان كلما دعيتي ساءت حالته اكثر وانت وعيالك اللي بتتوهقون بأخلاقة وبسبب دعاويك....رددي بكل وقت لااله الا انت سبحانك اني كنت من الظالمين..ربنا هب لنا من ازواجنا وذرياتنا قرة اعين واجعلنا للمتقين إماما.....ربي يهدي سركم ويشرح صدوركم وينزل عليكم لطفه ورحمته