ابغى رايكم يا الغوالي

السلام عليكم

كيفكم يا حلوات

بادخل في الموضوع على طول

ابغى نصيحتكم في موضوع الشغاله هل استغني عنها او لا

واتمنى تجاوبوني اليوم

انا ما كنت احب اجيب خدامه وبالذات انه شقتي صغيره وكان عددنا مو كثير وكنت ماشيه في امور بيتي تمام

بس الله اراد اني احمل بتوام وكنت تعبانه في حملهم واضطريت على الشهر الثامن وكان في رمضان اني اجيب

شغاله بالساعه مع انه اجرتها غاليه تخيلوا تاخذ 1400 :06:

وما تجي غير 4 ايام في الاسبوع وكمان بس كم ساعه وما تغسل الملابس انا اغسلها وحسيت انه الميزانيه تتزعزع

والحين الحمد لله بناتي بيخلصوا 3 شهور

فحبيت اخذ رايكم

لو خليت زوجي يجيب لي غسالة صحون ونشافه والشغاله تجي مره في الاسبوع او الاسبوعين للشغل الثقيل

واخذ الالف انا مو احسن خخخخخخخخخخ نذاله صح

لا من جد اتكلم والا اخلي على الشغاله واكتفي باللي يعطيني 200 او 300

انا اخاف اتركها تروح واتمرمط بين العيال والبيت لاني خلاص انهلكت بما فيه الكفايه

انتوا اش رايكم اعطوني رايكم بصراحه لو كنتي مكاني اش بتاخذين قرار

يالله استناكم اليوم ضروري لان الشغاله تخلص شهرها يوم الربوع وابغى اخذ قرار واخبرها