ابغى رايكم يا هلي لأنكم تريحوني حيل_ضروري

والله مادري شلون اصف شعوري احس اني بين اهلي احس اني بين ناس يخافون علي ويهتمون فيني ويريدون لي الخير الله يجزاكم عني خير الجزاء
اخواتي ابغى مشورتكم وبحاول اختصر قدر الامكان لكن ارجوكم لاتبخلون علي بالرد لو بكلمه



عندي صديقه تكبرني بسنوات حبيتها كثيروتعلقت فيها كانت تقول انت مثل بنتي الكلمة هاذ كانت تهزني لاني فاقدة امي الله يرحمها ويرحم موتاكم من شدة ماني متعلقه فيها وحابتها اناديها يمه
المهم انا عاملتها باحترام وبر وكلش واهي ماقصرت والله
بس صارت في الايام الاخيره تستفزني بكلام ومواقف وانا انحرق لدرجة اني اصيح في اليل واهي مطنشه ولا عندها ويوم الي تحتاجني فيه حتى لو كنت زعلانه تدق ونادرا ما تدق علي عشان تتطمن على احوالي اغلب اتصالاتها عشان تروي لي مشاكلهاواذا صرحت لها قلت انت داقة عشان حاجتك تبدأتخانق تقول انت معتبرتني مثل امك كلام فاضي ومن الكلام الي يجرح
حتى مواقفها اذا تحاشيتها تبدا تجرحني طبعا انا واهي في مكان عمل واحد اذا زعلت ذاك اليوم طنشتني قدام الزميلات وتركتني احقر مما يكون واذا قلت انت ليش تعامليني كذا؟؟؟قالت بنتي وامون
اقول طيب لي مشاعر لي احاسيس ليش تجرحيني؟؟تقول بسوي الي ابغى على كيفي رضيتي او مارضيتي والله العظيم يابنات اني اكتب لكم ودموعي على خدي من القهر
عشان ماتلوموني كانت تدق علي عشان تقول حقي المواقف الي يسويها حقها زوجهاطبعا الي تصير في غرفة النوم والي يحرم على الواحدانه يفشي فيها
كانت تجيب لي كتب من السوالف هاذ بس ماتشترى هاذ الكتب الا للناس الي بيتزوجون وانا عمري 23وماتزوجت ولاحتى انخطبت
الحين اهي انقطعت برسايل الجوال والمكالمات تقول انت اذيتيني ابغى ارتاح ابغى اجلس مع نفسي شوي

وبتكمل شهر ماكلمت السؤال لو ارسلت او دقت علي ارد عليها؟؟؟او اسفهها؟؟او اقول حقها مثل ماقالت انت مأذيتني ومحتاجه اجلس مع نفسي؟؟؟
اهي طيبه وماانكر فضلها علي بس صارت تقسى علي كثيرويمكن بعد انا اصير مزعجتها فعلابس والله اني اتعامل معها مثل ماكنت اتعامل مع امي الله يرحمها وماكانت تسوي فيني كذا
ارشدوني الله يفتح لكم ابواب رزقه ويفرج لكم