ابغى روضات في الدمام عن تجربة

الله يوفقك 
جربت براعم الاقصى في حي 17 عند بنده ممتازه 

وكيف براعم الأقصى رسومها كم ويوصلو لأي مكان وكيف مبناهم ومناهجهم وتعاملهم

براعم الاقصى اذا لقيتي فيها مكان فانتي محظووووظة

روووعه من جميع الجوانب واهتمام شي وتركيز عالطلاب وتأسيس ممتااااز

انا اتكلم عن تجربه وربي شاهد على كلامي

رسومها نسيت والله

مبناها وسييييع وحلووو بس ينقصو شويه تهوية مو والفصووول مزييينه والمعلمات خاصة التمهيدي والروضه تنااااافس سواء بتزيين الفصل او الاهتمام بالطلاب او الحفلات وفي حووش كبيييير ومراجيح وزحاليق ورمل وجلسات تفتح النفس

المقصف اللي يبعو فيه عندهم شهادات اجازة بيع من وزارة الصحه وفي اهتمام لدرجة انو الابله ماتخلي الطفل يشتري حلويات الا وهي متأكده انو فاطر او عندو ساندويش وكدا

والمناهج حلووه والتأسيس اكثر من روعه لدرجة ان الطفل يوصل لاولى ابتدائي ويكون متمكن ويشوف المواد سهله لدرجة انو يحل الواجبات بنفسو وبعض الاطفال واجبات دروس ما اخدوها لسه ماشالله تبارك الرحمن هيا صح قدرات بس التاسيس يلعب دور كبير


التعامل كل اهتمامهم للطلاب والمرشدة الطلابيه اسمها هند الزهراني انسانه رااااائعه ماعرف لو غيروها ولاباقيه لسه كانت تحتوي الطالبات بشكل راااائع حنوونه كأنها امهم ماشالله تبارك الرحمن عليها والمعلمات برضو طيبين ويكتبو كل شي بالسجل الخاص. للطالبه والله وحده كانت حامل مسكينه بشهورها الاخيرة تاخد الاطفال قبل الصرفه وتلعب معاهم بالحوش ماتروح عنهم تلعبهم وتتكلم معاهم كانهم بناتها ماتذكر اسمها بس كانت تدرسهم علوم ورياضيات كانت الايام الاخيره لمن الطالبات يقلو تجمعهم وتلعبهم وتعلمهم اشياء بسيطه واناشييييد ووناسه الطالبات كانو يطيرو فيها ماشالله عليها


انا على قد ماشفت مدارس خاصه زي دي المدرسه ماشفت اي ريال ادفعو لعيالي في دي المدرسه مو حرام فيهم بالعكس حلال

هذي تجربتي بكل صدق

ماشاءالله كفيتو و وفيتو جزاكم الله خيرا