ابغى شركة DSL ممتازة سريعة وما تقطع

وعليكم السلام ورحمة الله وبركاته

وانتي بصحة وسلامه اختي العزيزة

صراحة ما احب احبطك لكن الشروط اللي تبغيها ما اعتقد موجودة في السعودية يعني في الحلم انه في السعودية فيه شركة خدمتها ممتازة وما يقطع النت او 24 ساعه خدمة قصدك 24 ساعه تنتظري على ما يتكرموا ويردوا عليك

عموما انا اشتراكي افاق تبع الاتصالات وصراحة لازم يفصل كل فترة وفترة يعني في الاسبوع مره او مرتين واحيانا بالساعات هذي تجربتي علشان ما تجي واحده تقول انه سريع عندها وما يقطع يمكن منطقتي كدا الاتصال فيها بطيء وممل

حبيبتي جراح نازفة ما اعدم تواجدك

انا برضه افاق وسيئة جدا تراني من ساعة ما حطيت الموضوع وانا احاول ادخل عليه ما يحول الصفحات وبطيء جدا جدا ويعلق كتير

كنت مشتركة في شركة بصراحة ممتازة ودعم فني متواجدين 24 ساعة فيها عيب واحد بس انه خدمات العملاء تعاملهم سيء مع العميل ومن راسهم يتصرفوا يعني يغيروا اسم المستخدم حقك واجي وقت السفر اقولهم ابغى اوقف الاشتراك مؤقتا اقعد وقت طويل مكالمة هاتفية وانا مسافرة عشان يحزروا ايش اسم السمتخدم واسلوب يفقع القلب انما هي سريعة وما تقطع استعملتها لمدة 3 سنين لكن تعاملهم الزفت وجع لي كرامتي الله لا يحوجني ليهم

عشان كدة ابغى شركة بديلة مجربة انها كويسة اما خدمات العملاء عشان احيانا ما اكون في البيت وبدي اوقف الخدمة وصعب اني اتصل مثلا في اوقات دوامهم فلازم يكون في خدمة 24 ساعة

مشكورة



انتظر الاقية

الحمدلله عندي افاق شامل رسومه الشهريه 300 وصراحه روووووووووووووووعه ماينقطع
بس يشرط تكون ابراج الجوال عندك فول علشان الارسال وتاخذينه معك وين مارحتي حتى لين سافرتي جو المملكه

حاولت ردي الاخير فوق 4 مرات عشان يترسل وتتعطل الصفحة هدا اللي باتكلم عنه في افاق السيئة

45 دقيقة بس اعمل تجديد لهذه الصفحة عشان اشوف مين دخل

ساعدوني

حبيبتي لو كانت المشكلة اللي عندك بس في عالم حواء ترى شكله المنتدى فيه مشكلة لان الكل يعاني منها

وان كان الوضع مع المنتديات الثانية اقترح عليك تحطي سؤالك في قوقل يعني حطي مثلا افضل خدمة نت في المملكة

وهو بيطلع لك مواقع فيها ناس لهم تجارب ويعني جمعي اراء من هنا ومن هناك والله يوفقك