ابغى شوركم

سلام عليكم

بنات بستشيركم في شغله

انا قريب كان فرح اخويا وانا عندي اخين واحد مررررررررررررررررررررره انطوائي يعني في حاله لاخروج ولا دخول ولا اصحاب ماعنده دي الشغلات يادوب العمل هو دا اللي اتزوج قريب

والتاني يعني احسن منه بشي بسييييييييييييط جدا وابويا نفس الشي حتى في العزايم يادوب يروحوا مجامله ويقعدوا في الركن البعيد الهادي و اكلوا ومشيوا بسرعه حتى لو مع خيلاني في عزومه تلاقيهم مايتكلموا ولا كلمه

في ملكة اخويا احنا جبنا المصور والجسيس والمصور صور اخويا واهلي يمكن 4 صور والباقي كله اهل العروسه مع انه احنا جبناه وماما خاصمت اخواني لكن ادن من طين وادن من عجين

وكلمت اخويا في الفرح قلتله انتبه للمصور خلي يصور اهلنا اكتر احنا اللي جبناه طنشني وقبلها كنت مكلمه زوجي وزوجي حرييييييييص لكن ماحب يتدخل في دي الشغله كلمته كذا مره يقولي لا مو حلوه اخوانك فيه وانا اروح للمصور مالي شغل لمن قال كدا قمت كلمت اخويا واخويا طنش

المهم كل المقدمه دي عشان ابينلكم طبع اخواني وابويا انهم ناس في حالهم و غييييييييييير اجتماعييييين بتااااااااااااااااااااااتا
عكس زوجي تمااااااااااما


دحين زوجي راح الفرح وجا ابوه واخوه ويقول زوجي ابوه واخوه جو وقت العشا ولمن جو يدخلو قاعة الطعام كان زحمه وكل الصحون قاعدين عليها ناس
يقول خرجنا وروحنا جهة ابوكي فقله ابويا لا استنى في صحون تانيه شويه نجيبها بس يقول زوجي استنينا واستنينا محد جاب اي صحون ولاشي واخوه شاف الحكايه طولت يقول اخوه قاله خلاص بسلم على العريس احنا ماشيين قاله استنا نتعشى قاله لا مايحتاج وزوجي يقول انا حاسس انه اخويا يبغا يتعشا لكن ايش اسوي
المه راح اخوه يسلم على اخويا فزوجي يقولي انا ادق اخوكي بالكلام واقوله لاتسيبه يمشي امسك فيه مااتعشى انا اعرف اخواني يعني اكتر شي يقولي اجلسوا اتعشوا محيمسكوا في احد
المهم قال اخو زوجي لا والله نبغى نمشي على العموم محنا جايين نتعشا جايين نسلم ونبارك وابو زوجي عموما ماياكل عشان السكر
المهم زوجي زعلااااااااااااااااان وانا غلطان اروح عزايمكم المفروض مااروح الا لو ابوكي يتصل ويعزمني بعد كدا واخوانك اترجاهم عشان يهتموا بالتصوير واخوكي يقول طيب ويطنش
مع انه قالي مالي صلاح بالتصوير ويقول زوجي بعد مامشيوا ابوه واخوه خرجت سبت الفرح ليش اقعد ورجعت البيت اتعشيت سندوتش بيض

لا واتصل على اخوه بعد ماخرج بشويه وقله ياشيخ فينك عمي زعل مررررررررررره انك خرجت ومااتعشي قلي فينه شوف حطينا صحون ليكم هدا و زوجي راجع البيت قال انا عارف اخويا دحين يفضحني واكيد حيقول في نفسه ايش عيلودة مرته اللي مهم معتبرينه شي ولا محترمينه ويقولي زوجي ابو العروسه اللي مو دافع ريال قاعد يعزم الناس على العشاء ويلزم عليهم اكتر من ابوكي


طيب بالله ايش رايكم اقوله اللي يسمعك يقول انت ماتعرفهم ولا تعرف انهم كدا مهم دخولين ابدا على فكره حتى اخر عزيمه كانت من طرف اهلي ( ملكة بنت خالتي) زوجي يقولي اخوانك دولا ماتشوفيهم يجي اخوكي واحد الاقيه بره واقف عند السياره طول العزيمه بس يحطوا العشاء يمشي والتاني يجلس في ابعد ركن ويقوم ياكل ويحط رجله


بس زوجي موعاجبه انه ابويا واخواني مامسكوا فيهم وفي ابوه واخوه واصر الا والا تتعشوا ويدخلهم ويقعدهم


( مع انه حتى زوجي لمن يجي بيت اهلي ماما اللي تمسك فيها وتاكله تاكله اليييييييييين يطفش واخواني وابويا ولايكلموه اساسا اللهم اتفضل العشاء وتطلع بالغلط منهم ) وماما هي اللي تلزم وهي اللي ترسلنا اكل وطول الوقت يقولي زوجي امك ورانا ورانا قاعده تتخنا كل يومين راسله قدر مع السواق)
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

دحين انا اعرف في الافراح محد يستنى احد يعزم عليه اللي يبغى ياكل ياكل
صح اهل الفرح يسالوا اتعشيتوا ولا لأ لكن والله مو دايما

بعد زواج الرجال عشا يعني المفروض دخلوا يتعشوا وبعدين انا عن نفسي مو معتبره زوجي غريب عن اهلي يعني المفروض انه هو يوقف يدخل الناس للعشاء
بعدين لو شاف انه مافي صحون جديده المفروض يقوم ويشوف اي مكان فاشي ويدخل ابوه واخوه صح ولا انا غلطانه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وهل الحكايه تستدعي اني اكلم امي واهلي ولا لأ انا عارفه انه طبعهم ومابيغيروا واحس زوجي ماله داك الحق