والله كان مثلك زوجي بعدين وحده الله يوفقها قالت لي لا تكلمينه قدام اهله ولا تفتحين مواضيع معه يعني حاضر وبس ماكأنه موجود واذا تسوين جلسه ثانيه مع خواته في غرفه ثانيه افضل علشان ما يتشطر وبينك وبينه قولي ليه ها الحركات ترى ما يسوي كذا الاضعيف الشخصيه يبين انه قوي و الناس تعرف كذا الي يتشطر على زوجته قدام الناس تكون هي الي حايسته الناس تقول كذا واذا ماحترمتني مااحد راح يحترمني وطنشيه والله جا يقولي ليش تسوين كذا قدام اهلي وخواته يقولون لي عطيه وجهه وكنت اقول له قبل لا نروح لا تتشطر وراحت بس تجيه حالات بس نصيحه ولا كنه موجود لاتحتكين فيه بيلاحظ ويتغير لاتقولين لبوك عالجي حياتك لاتكبر ما يحتاج
والله كان مثلك زوجي بعدين وحده الله يوفقها قالت لي لا تكلمينه قدام اهله ولا تفتحين مواضيع معه...
الحل اختي انك تحسسين زوجك انك كاشفته وقولي له وانتو بعيد عن اجواء اهله يعني بلحالكم برا انك فاهمته صح.. وانه مو حلوة في حقك اللي قاعد تسويه ... التمثيل والتصنع..قولي له بصراحة انا عارفة انك تبغى تحسسهم انك ماتسمع كلامي وانك مو لين معي ابد ..قولي انا عارفة انه هذا تصنع ..ومو حلوة في حقك لأنه حتى أهلك بدأوا يحسوا انه انت مبالغ ومتصنع.. وتكلمي معه بصراحة انه ماعمره الرجوله كانت بالصراخ وطولة اللسان.. وماعمر قوة الشخصية كانت بالعصبية ورفع الصوت...والرسول هو قدوتنا قولي مين قدوتك ...مين النوذج اللي انت قاعد تقلده في حياتك..ابوك ولا جدك .والرسول هو المفروض قدوتك والرسول صلى الله عليه وسلم ماكان لعانا ولا سبابا بل قال خيركم خيركم لاهله ..وش فايدة التعليم والثقافة والتقدم اللي احنا فيه اذا بجلس اشوف العلاقة الزوجية من منظور اهلي ...المفروض انت تكون ارقى من كذا..قولي له بصراحة انا كنت معجبة فيك وفي فكرك بس بتصرفاتك هذي بتنزل من عيني ...كنت اشوف فيك شخص مختلف..لان عقليتك ارقى ومختلفة...وقولي له بصراحة انت لم جلست تصارخ انا ضحكت عليك من جوا ...حزنت عليك ليه هذا كله وعشان مين ...وفهميه كمان انه انتي تحبيه وتحترمي وبالتالي لازم يحترمك والامافي اسهل من اني اغلط وانت تغلط ونصير فرجة...وقولي بصراحة انا راح اعديها هالمرة بس المرة الجاية لا والف لا ...واتق شر الحليم اذا غضب... وكمان انتي ياأختي تجني تشاورينه بحضور اهله حتى لو في غرفة قريبة وحاولي دائما تحسسيه انه محترم وله هيبته عشان ترضين غروره كرجل ..انا بحضور زوجي عند اهله دايما احسسهم انه قوي واني اطيعه طاعة عمياء ما اجادله قدامهم تخيلي وانا حامل مرة قام قدام امه يقول انا باسمي على اسم خوي اذا جاني ولد واحنا متفقين من اول ع اسم بيننا واسم احوه مو حلو ويقوله قدامهم كانه يبغى يبلغني وبس بقراره تدرين اش سويت ابتسمت وانا من جوا اغلي واهله فرحوا وانا ماعلقت لا بيس ولا بنو بيس ابتسم وساكتة بس رجعنا البيت قلت له وانا باذن الله الولود اللي بعد كذا باسم اخوي فما اعجبه وقلت انا كمان مو عاجبني اسم اخوك واحسن احنا نقرر ومشيت كلامي بس بعيد عن اهله