ابغى صالون في جدة شغلهم روعة وسعرهم معقول

اختي عيون زوجها :
حبيت اقلك انا اعرف مشغل في جدة اسمة ((نوارة)) سويت عندهم قص وصبغ وهاي لايت وشغلهم

حلو مرة بس بالنسبة للمكياج والتسريحات والسشوار ما جربت لاني مو عايشة في جدة انا رحت المشغل لا ن بنت عمي تعرفة ومدحتة لي وهو مشغل كبير ما اقولك فخم لاكن واضح ان شغلهم اوكية
وانا قصيت شعري وصبغته عند هم واللي قصتلي جنسيتها تركية واسمها ( سنقل ).
واذا بغيتي رقمهم راسليني عالخاص.
وبالتوفيق.

شخصيا ارشحلك صالون في وريما .......بقوه لان شغلهم 100%

وكمان صالون ريما بس هذا زحمه موووووووت وتعاملهم مش اوي مع الزباين

وانتي اختاري اللي يناسبك

والله يااختي ماانصحك بنوارة فاشل بمعنى الكلمة انا من جدة واعرفهم من زمان اذا تبغي شغل مرتب ومعاملة جيدة عن تجربة عندك صالون سهارى في التحلية فاتن للشعر وعبير اوسميرة للمكياج وكمان في منا سنتر في الخالدية شغلهم راقي وشوفي يااختي نصيحة مني لك في جدة صوالين تدفعي مبالغ كبيرة وماتاخدي نتيجة لكن للامانة الاسماء اللي اعطيتك هي انشاء الله تعجبك

شوفي عزيزتي الناس أذواق
يعني فيه ناس أعرفهم يحبون ستايل نوارة بس أنا أحسه بصراحة دقة قديمة

ريما حلو لو كنتي تحبين المكياج المبالغ فيه أنا عن نفسي ما أحب هذا النوع من المكياج لو ببلاش

يعجبني مكياج صالون جديد اسمه أحلام المها كنت أروح أحط مكياج عندها يوم إنها في ستارز أول
هي اسمها مها أبو الفرج وستايل مكياجهم الستايل اللبناني الراقي اللي ما تحسينه لطخ مكياج وبس

بس قريب نقلت مع البنات الكويسات حقات المكياج ( نهى + زينة ) وفتحوا صالون جديد بس صراحة ما شفت شغل الشعر بالصالون الجديد لكن وحدة تقول لي إن أحلام فنانة
عموماً صالون أحلام المها مثل ما قلت لك ما رحت لهم بالصالون الجديد لكن موقعه تلقينه بالخالدية تلفين من بعد الركن الأمريكي وتلقينه هناك

لمن اكون ناوية أسوي شعر بس من غير ميك أب أروح عند صالون سابية عند وحدة اسمها وفاء أصلان خطييييييييرة بمعنى الكلمة عمري ما أعجبني شعري مثل يوم صرت أسوي عندها
صالون سابية تلقينه عند دوار المبخرة اللي جنب دوار القبضة في شارع الأمير سلطان تلفين كأنك داخلة على حي السلامة أول لفة بعد مجمع البيوت الأبيض تلفين يمين تلقين المشغل على اليسار لوحته صغيرة بس لا يغرك ترى شغل وفاء غييييير

وعسى ربي يوفقك إن شاء الله

الله يعطيكم العافية ما قصرتوووووووووووووووواا
وان شاء الله البنات يفيدونا اكثر......