أنا لها :

انا تزوجت قريبي وكنا مبسوطين وجبت بنت وولد اول سنه كانت تهبل باقي الزواج ظاهريا مرتاحع وقدام الناس اني السعيده هم يعتقدون انه يحبني وانا كنت اعتقد ذا الشي بس من دااااخل ماني متطمنه قبل اتزوج توفى ابوه وابيه ثري جدا قال هو واخوانه مالقو وراه الا مبلغ وقدره وانه كان فاتح بها بيوت مع الوقت قال فلوس اخته معهم لين تتزوج ومع ف ايش يعني ماكل مال اليتيم هو ولخوانه فعشان كذا ماكنت متطمنه وزياده احس عنده جانب غامض بس ماعندي دليل قلبي مو متطمن قلت يمكن يعرف بنات بس مالاحظت عليه شي اغلب وقته في الديوانيه اساله انت تحبني يقول ايوه قلت ترى في ذمتك يوم لا اله الا الله اذا كذبت لاني كنت ابغى اتطمن كنت دايم اقول البلا فيني او فيه لانه دايم يقول انتي تسيئين الظن انتي وامي دايم فيه تفاصيل ثانيه بعد ٦ سنوات صارت مشاكل الحين مايسعني اقول تفاصيلها بس انه اخر يوم عنده كان يقول انزلي لهلي وانا طول ذي السنين انزل لهم قلت لا عندي شغل وفعلا عندي شغل قدلي يومين انظف بيتي باقي تشطيب قال خلصيها بكره قلت بكره الله اعلم وش ظروفي المهم قلت كلمه وسوا نفسه فهمها غلط عشان ينتقم مني لاني مارضيت انه يستعبدني هو وهله طول ذي السنين مستعبده واجيهم رغم كل الطروف اول مره اقول لا يبغى ينتقم مني قدام هله حط العيال عند هله ودخل علي ضربني ماعرف ليه باحول اتكلم عن التفاصيل بعدين المهم انه طلع وسكرت علي وكلمت اخوي قلت صار لي ٤ شهور ساكته على الظلم ماعلمتك بشي ( كان يتخبث علي) وعلمت اخوي لانه بعد ماضربني يهدد والله لاقتلك ومعرف ايش بصراحه خفت على نفسي قال اخري تجهزي الحين جايك جهزت ورحت لهلي كان يوم مططر ودخلت الحوش احسه مررره وسييييع وكنت خفيفة ومبسوطه هو مارجعني ويقول باجي ولا يجي وبعد ٩ اشهر تطلقت تحديدا شهر رجب الاخير كنت قوية وصامده ورفعت عليه قضايا نفقه وعطاني وعيالي كل حقوقي الماليه لو انه ماتردى ماكان استجريت اقاضيه ارتحت بعد الطلاق وهو شكله ارتاح لان علاقتنا كانت سامه سبب المشكلة كله منه ومن هله وحريصة ما اغلط بشي والحمد لله ماغلطت لإن بغيت اقول كلمه وربي سكتني لو قلتها كان قلت انا السبب بكل شي انا شكيت انه يتعاطى طول ذا الوقت عشان كذا احس وراه شي كانت عيونه حمرر ا ومو منطقي ابد اللي سواه كنت قوية بس مع ف انا تجاوزت الصدمه او لا ما احس بشعور الم هل لاني خذيت حقوقي او لاني قوية او لاني الموضوع فوق الاستيعاب او انه مايعني اي معرف بس ودي اتناقش بالموضوع كامل معكم من كل الجهات ممكن اطلع بشي يفيدني للمستقبل وابغى اشوف راي المحترمات منكم فقط اللي جايه تناشب مابغا رايها كنت ابغى اناقشه عند وحده بالواتس بس كل بنات القبيله عندها وخواتي بعض خواتي مالهم امان ومابغى افضفض وهم يتابعون فشفت ان باقي عالم حواء يشتغل قلت فرصه ماحد يعرفني ولا اعرف حد

انا تزوجت قريبي وكنا مبسوطين وجبت بنت وولد اول سنه كانت تهبل باقي الزواج ظاهريا مرتاحع وقدام...

عواطف تركي . :

حسيت انك داخله سوبر ماركت بالنسبه لي اشوف مثل هذا الطلب غلط احنا بمكان عام والناس اللي فيه مجهولين ماتعرفين مين خلف الاسم ذكر او انثى او عاقل او مجنون او صالح او طالح ونصاب ومبتز و ... الخ واذا على توسعة المدارك والاستفاده من الثقافه والاسلوب والتعامل ترى هذا المحتوى ممكن تلاقينه بكل مكان بمواقع التواصل بكافة انواعها والانترنت بشكل عام مليان بدون لا تضطرين تغلفين أي علاقه بمسمى صداقه وهي ابعد ما يكون عن الصداقه وممكن تتضررين منها انا من كم سنه كنت اتابع حسابات بعض الاخصائيات والمهتمين بالوعي والتطوير والدكاتره استفدت من محتواهم وحتى اذا حبيت اشارك رأي واعلق المجال مفتوح بتويتر بدون لا اضطر اقحم نفسي بعلاقات مع اشخاص مجهولين وبس ما يحتاج نكرر عليك التحذير والتنبيه من طلبك هذا واصلاً حتى اللي تقرأ موضوعك ماراح تتقبل تعطيك الثقه والامان وتصادقك وتتواصل معك برا الموقع الا اذا كانت ساذجه وقليلة خبره لدرجة انها ماتشوف عضويتك الجديده اللي مافيها غير هذا الموضوع🙃

حسيت انك داخله سوبر ماركت بالنسبه لي اشوف مثل هذا الطلب غلط احنا بمكان عام والناس اللي فيه...