نفس الطريقة

علبه كلوركس كبيره تعبينها مويه وتسكرينها وتحطينها على البالوعه بعد التنضيف واذا كنتي دور ارضي فالله يعينك لان الارضي يطلع ريحه لانه تصريف للحممات اللي فوقه يمر منه

اذا الحمامات عربيه البالوعه ( اكرمكم الله ) جيبي لها سداده من اي محل تخفيضات زي العلبه تجي بيضاء تقفل البالوعه حتى مكتوب عليها تمنع الروائح قبل تحطينها صبي كلوركس في البالوعه وفتحات المجاري واتحدى تطلع لها ريحة بعد كذا احنا نسوي كذا ونسافر وماتطلع ريحه من حماماتنا وكأننا ماسافرنا

شوفي الله يسلمك، اعتقد ان هالمشكله سببها الأساسي خلل في السباكة، لأننا في البيت قبل السفر نسكر حباسات المويه عن الحمامات و بعدين نشد السيفونات حتى نتأكد إن ماعاد فيه أي ماء في مستودع كرسي الحمام يمكن انه يأسن وبالتالي تطاع له ريحه، ولكن و هنا مربط الفرس لما نرجع من السفر نلقى مسألة الرائحه في الحمامات متفاوته، بعضها بالكاد فيه، و بعضها معبي الغرفه، و بعضها -مثل حمام الضيوف و إلي نادر ما يستخدم- كان مالي الصاله و البيت كله تقريباً، فصرنا مع حمام الضيوف نترك حوالي عشره سنتيمتر من شباك الحمام مفتوح إذا سافرنا، صحيح يتملى تراب لكن هذا هو الحل الوحيد لأن كل إجرائات التنظيف ما نجحت. و بالنسبه لك فإما إن أهل البيت يدخلون و ينظفون الحمام و يخلون المويه تصب في المجاري كل فتره، أو انك تتركين جزء من الشباك مفتوح و تحاولين سد الفتحة إلى تحت باب الحمام حتى ما يدخل الغبار. ، كما إن سد فتحة البانيو و حوض اليدين و البيديه يساعد كثيراً مع الإغلاق التام طبعاً للبلاعه.
 

صبي جالون كامل من فونيك ابو حصان اسود مطهر معروف في جميع فتحات مجاري البيت المغاسل و المطبخ والحمام وكذا بترتاحين وتريحين وهذه الكلام عن تجربه