ابغى طريقة التشيز كيك حق التاجرات اللي يبيعو

ادخلي عاللينك وإن شاء الله يفيدك
https://www.hawaaworld.com/showthread.php?t=229921...

جزاك الله خير

ابغى طرق ثانية لو سمحتو .... ما ابغى طرق يدخل فيها البيض ومشكورين

انا اقول لك طريقتي وكل من جربها انصدم يقول نفس حقت المحلات الجاهزه لكن احلى بكثييير .

انا اخذت الطريقة من شيف امريكي باليوتيوب وراح اعتمدها دايما ..

التشيز كيك لها طريقتين ،، اما بارده او مطبوخه تنحط بالفرن .. هذي الطريقه اللي عطيك اياها البارده .

اطحني بسكوت دايجستف وحطي عليه شوي زبدة مذابه وثلاث ملاعق سكر بني ونص ملعقه صغيرة قرفه مطحونه ،، امزجيهم ولو ماعجبك تماسكها ضيفي شوي قشطه حتى توصلي للتماسك المطلوب ورصيها بقوة في الصينيه .


جيبي علبتين جبن فيلاديلفيا او اي جبنه كريميه تحبيها ،، اتركيها برا الثلاجه حتى تكون لينه وتنخلط معك . اخفقيها بالخلاط الكهربائي حق الكيك واضيفي شوي فانيلا سايله وسكر بودرة ثلث كاس او قللي الكميه لو ماتحبيها حاليه واتركيها على جنب .

جيبي في جيك ثاني كاس كريمة الخفق واخفقيها لييين تتماسك وتنفش معك ،، اضيفيها على الجين واخفقيهم سوا لحد مايمتزجو .

صبي الخليط على البسكوت واتركيها تبرد بالثلاجه اقل شي ثلاث ساعات ،، زينيها بالتوت الجاهز بالمحلات مكتوب عليها باي فيلينغ او حشوة الفطيرة ،، او اي صلصه تعجبك .

وبالعافيه .

انا جربت الطرق اللي يقولو حطي زبادي او جبن كيري وحليب بودره كلها الله يديم النعمه ماعجبتني نهائي ،، ايضا الحلويات اللي فيها دريم ويب .
هذي الوحيده اللي فعلا روعه وانصحك بها .