ابغى طريقة الكنافة الكذابة

هلا اختي ..

باقولك طريقتنا ..

كيس توست + اصبع زبدة + علبة قشطة

اتوست افرميه في الخلاط بعد ماتشيلين الحواف البنية وذوبي الزبدة وافركي فيها التوست وبعدين جيبي صينة تيفال او بايركس وحطي نص الخليط وبعدين ادهنيه بالقشطة واضيفي باقي خليط التوست ودخليها الفرن لما تتحمر وطلعيها وصبي عليها الشيرة ..

اتمنى اكون افدتك وان شاءالله الاخوات اذا عندهم طرق ثانية يساعدونك

مثل ما قالت الأخت احلام ضائعة
بس في الوسط أغلي كأس حليب سائل وأضيف له3ملاعق نشا مذوبه في ماء بارد وأتركها على النار حتى تثقل وأطفي النار وأضيف لها علبة قشطة وأخلطها جيداً وأضعها على الطبقة الأولى من التوست وبعدها الطبقة الثانية من التوست وأدخلها الفرن وبعدها أسقيها بالشيرة
وبالهناء والعافية

انا امس طرشتلي صديقتي كنافة اووووووووووف انهبل عليها زوجي ابساها عن الطريقة واردلك خبر