ابغى طريقة سمبوسة

ياعمري حسب الذوق
السبنق رول احيانا احشيه دجاج اسلقه واضيف عليه مكونات
اما لو خضار اسلق بطاطس واضيف له ملح وبهارات وفلفل اسود وممكن بازيلا
ممكن جزر مبشور او بقدونس اخلطهم واحشي
او ممكن جبن مالح وبقدونس او زعتر او شبت
اما
سمبوسه الدجاج دجاج مفروم واحمسه ببصل صغير وبهارات وفلفل اسود وكمون رشه وملح
واحط جزر مبشور شوي وبقدونس او شبت اللي متوفر
فيه من يحط فلفل حار

عندك حشوات منوعه ، بكتب لك طريقتي .
دجاج مفروم
بصل مفروم
كوسا مبروشه
جزر مبروش
بازاليا
بصل اخضر
فلفل حار حسب الرغبه


٣ فصوص ثوم مفرومه
رشة بهارات باودر (فلفل اسود ، بابريكا ، كركم ، كاري ، كمون ، بهارات مشكله)
ملح
ملعقتين صويا صوص حلوه
ملعقة طعام زيت سمسم
زيت نباتي
ماجي
* تشوحين الدجاج المفروم على النار ليمن يطلع مايه ويشربه ، تضيفين عليه البصل والثوم وتقلبينهم ليمن يتحمر البصل شوي ثم تضيفين البهارات والماجي
* لمن ياخذ الدجاج والبصل نكهة البهارات تضيفين الخضار و تغطينهم على نار هاديه 10 دقايق يستوون .
* تضيفين الصويا و زيت السمسم وتقلبينهم ثم تقفلين النار و تضيفين البصل الاخضر .

جربي قبل تقلينهم تغمسينهم في لبن رايب وبعدها في دقيق و تقلينهم في زيت حار وغزير .


اما بالنسبه للسبيرينق رول :
بصل مفروم
بطاطس قطع صغيره مقليه
كوسا مبروشه
جزر مبروش
ملفوف (كرنب)
ذره
بازاليا
فلفل رومي كميه قليله جداً
ثوم
سمسم محمّص

... اذا تحبين الروبيان اضيفي قطع روبيان ، او دجاج مفروم كميه قليله جداً ...

البهارات :
كمون، فلفل اسود ، رشة ملح
ماجي
ملعقة كاتشب
ملعقة صويا صوص حلوه
ملعقة زيت سمسم
زيت نباتي
* اضيفي الزيت و بعدها الخضار ماعدا البطاطس و قلبيهم ب شوكه عشان ما تتكسّر
* بعدها اضيفي البهارات والكاتشب والصويا والماجي والملح
* اخر شي اضيفي البطاطس وزيت السمسم و السمسم المحمص وقفلي النار

حشوة الاجبان :
خليط اجبان (تشيدر ، قشقوان ، موزاريلا ، جبن كريمي، قليل جبن فيتا او البقرات الثلاث)
زيتون اخضر واسود
زعتر
ملعقتين زيت زيتون

يعطيكم الف عافية يارب بجربها

ماشاءالله تبارك الله عليكم