ابغى طريقة صالونة اللحمة

بعطيج حبيبتي طريقتي الي اسويها في صالونة اللحم بش ان شاالله اتعجبج
المقادير:
لحم منظف زين مازين ومسلوق نصف سلق وخلي ماي اللحم لاتكبينه.
بصل مقطع جوانح+ طماطم اخضر مقطع
ثوم وزنجبيل مدقوق
كزبرة مفرومة+فلفل اخضر حار+ورق البرياني
بطاطس مقطع مكعبات متوسطة الحجم + الكوسة +الفلفل البارد+القرع+ البامية اذاحبيتي اتحطينها+الزهرة+الجزر
طماطم صلصة
زيت
البهارات:هال مطحون+الكاري + وبهار التندوري +كركم+ بزارمخلوط(من كل شي اشوي مقدار ملعقة اصغيرة او اقل شوي) +ملح +مكعب ماجي اللحم+الليمون اليابس

الطريقة:
احمسي البصل بالزيت حتى يحمر وبعدين حطي اللحم وحركية حتى يحمر
حطي الثوم والزنجبيل والكزبرة والفلفل الحار والورق والطماطم الخضرة وحركيه وبعدين حطي البهارات كلها والملح والليمون اليابس والماجي وحركيه زين مازين وخفي على النار وغطيه وتركيه خمس دقايق تقريبا حتى تشبع اللحمة بريحة البهارات وبعدين حطي الطماطم الصلصة والماي وتركية حتى يغلي ومن يغلي حطي الخضار وغطي القدر وتركيه على نار متوسطة شوي وبعدين على نار هاديه وتركيه حتى ينضج اللحم والخضار وشوفي ملحة اذا يحتاج ولا لا..

ان شا الله تعجبج والسموووووووووووووووحة اختي ..

الله يعطيج العافية حبيبتى ام على

انشالله اجربها وتعجب الريال ويا العيال

:24: :26: :26: :24: :27: :cook:

عفوا عزيزتي
واسمحيلي بنقل الموضوع لاطباق حواء
وتقبلي تحياتي